خلال لقائها مع ET بالعربي، أعربت ناهد السباعي عن دعمها الكامل لشقيقها محمد السباعي وزوجته آية سماحة، بعد موجة الانتقادات التي طالت الثنائي مؤخراً بسبب مواقفهما تجاه تصوير الجنازات وتوثيق لحظات الدفن من قبل بعض الصحفيين والمصورين.
ناهد السباعي :"أنا ضد انتهاك حرمة الموتى .. في ديننا حرام.. الميت ليه حرمة"
وفي تصريحات خاصة لـET بالعربي، علّقت ناهد على الجدل قائلة: "أنا معاهم قلباً وقالباً، بس أنا هقولك على حاجة… أنا بتكلم عن نفسي. أنا مش ضد توثيق حدث مهم لنجم كبير فقدناه، أنا ضد انتهاك حرمة الموتى. في دنا حرام، الميت له حرمة، الميت ما ينفعش نصور الكفن، ما ينفعش نصور هو نازل المقبرة."
وأكدت السباعي أنها تتفهم أهمية التوثيق الإعلامي، لكنها ترفض الطريقة التي تُدار بها بعض التغطيات، مضيفة: "أنا أهلي ماتوا كتير قوي، شوفي صوري عاملة إزاي… تصدقي؟ أنا مش ده اللي معترضة عليه، أنا بيبقى شكلي غريب وبيصوروا وكده، مش ده اللي معترضة عليه، مع إن حقي إني أعترض، مش عايزة حد يصورني وأنا شكلي وحش."
وأشارت إلى أن اعتراضها ليس شخصياً بل نابع من احترامها لقدسية الموت: "في حرمة ميت، في ربنا اللي قالها، مش أنا اللي قلتها. فـ أنا مش ضد توثيق حدث مهم، أنا ضد إننا نعمل حاجات حرام لمجرد إننا نصور أو يبقى عندنا ريتش أو فولورز أكتر."
كما عبّرت عن استيائها من انتشار ثقافة القسوة والسعي وراء التفاعل على حساب المشاعر: "بقينا قاسيين قوي، والناس بقت تعذب حيوانات عشان تجيب صور، وتصور ميتين عشان يجيبوا ريتش. دي حاجة قاسية، ومش أكيد أي حد يحبها."
وختمت حديثها بتأكيد دعمها الدائم لعائلتها، قائلة: "السباعي كان مندفع شوية وقت الحزن والزعل، وقت حزننا على بني آدم… بيطلع حاجات كده يعني، فاهمة قصدي؟ وأنا طبعاً طبعاً مع أخويا في كل حاجة."
