مازالت قصة منع نجلاء بدر من الإقامة بمفردها بأحد فنادق مدينة العلمين الجديدة متصدرة الترند، وذلك بعدما شاركت ما حدث عبر الفيسبوك مساء أمس.
وقالت نجلاء في البوست الذي شاركته : "بعد ما خلصنا إجراءات الإقامة لمهمة عمل في الساحل الشمالي و مضينا و قعدنا ساعة في إنتظار الغرف و بعد كده جم اعتذروا لعدم قبول إقامة سناجل (يعني الراجل يروح بزوجته و الست تروح بزوجها و لو رحت معاك أطفالك من غير الزوجة بردوا غير مسموح ) مع ان تم الحجز قبلها بيوم ٤ غرف سنجل و تم قبول الحجز و تمت إجراءات الدخول.."
وتابعت: "للأسف كل مجهودات الدولة الحكومية لتنشيط السياحة للأسف بتروح هدر سؤال للجميع و برجاء الرد بشكل قانوني و أهل الخبرة هل يجوز لأي فندق فرض شرط عدم قبول مبيت الفرد السنجل في الفنادق ذات تقيم الخمس نجوم حتي لو كان متزوج أو متزوجة لكن حجز بمفرده دون اصطحاب زوجته أو زوجها في السفر داخل فنادق محافظات مصر هل يوجد شروط لقبول المبيت ايضا بعد أن تم الحجز و تمت أيضا إجراءات الإقامة ثم الإعتذار لعدم تواجد الزوج أو الزوجة".
من جهتها، كذبّت إدارة الفندق الخبر لتعود نجلاء وترد في بوست جديد : "يا افشل تكذيب عندي شهود و ناس كتير حصل معاها نفس الموقف و نزلاء عندكم في الفندق و هاكذب ليه يا محترمين و الحق بالقانون و مصر دولة قانون رغم أنف المدمرين الخبر الأسواء و قصة الموسم في عالم الفنادق السياحية المصرية".
وعادت وكتبت: "بعتذر لكل الزملاء الأفاضل الصحفيين المحترمين و الإعلاميين الزملاء المحترمين انا كل اللي طلبته رد على سؤالي المطروح من جهة رسميه و شرحت كل ماحدث عايزة اعرف القانون ( قانون بلدي ) و لو ده قانون الدولة هاينفذ و أحترم قانون مصر بكل فخر و تقديراما إذا كان غير قانوني فهذا امر أو شأن متروك للمسؤولين و ليس لي اي إختصاص أعتذر عن أي مدخلات شكرا لسعة صدكم".
بدوره، أكد عمرو محمود ياسين ما كتبته نجلاء بدر وكتب على الفيسبوك: "فندق ريكسوس العلمين مش راضي يحجز لي لوحدي غرفه عشان بوليسي الاوتيل مش بتاخد رجاله سناجل. هههههه دوله سياحيه صحيح. بصوت عمنا الجامد صلاح عبدالله Rixos Alamein ملحوظه انا مكنتش ناوي اروح اصلا. بس سمعت الموضوع قلت اتاكد فا اتصلت ولقيتهم فعلا رافضين رجل من غير زوجه .. عشان الناس سايبه الموضوع و بتسالني رايح لوحدك ليه".
