فرق التوقيت يمنع لقاء ياسمين عبد العزيز وأحمد العوضي

شباب البومب 12 الحلقة 17 مع الشيخ راكان و كانتي

إيلين ابنة المتصرف في حماية عبدو العربجي بـ الحلقة 16

نجوى كرم في أمسية روحية تحدثت فيها عن رؤيتها السيد المسيح

رامز جاب من الآخر الحلقة 17: مواجهة مها أحمد و فادي خفاجة

إعدام صبحي خلال عملية تبادل الأسرى في الحلقة 17 من مسلسل تاج

مسلسل 2024: تأثر بمشهد وداع سما لوالدها بالمشرحة

إليسا في Big time Podcast وتعطي رأيها بـ أصالة،أحلام وشيرين

صلح فرح الهادي وشوق الهادي والعرابة نهى نبيل

شباب البومب 12 الحلقة 18 : هبة عامر

نجوم الفن يدعمون رامي جمال بعد إصابته بـ"البهاق"

ET بالعربي | 11 نوفمبر 2019
رامي جمال

رامي جمال

أعلن رامي جمال مساء أمس عن إصابته بمرض "البهاق" وأنه يفكر في الإعتزال بعدما فشل في العلاج، فكتب بوست طويل قال فيه:"الحمد لله الذي أحبني فابتلاني وقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة رضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقوللي هتتعامل إزاي وأنت فنان واللي يخاف يسلم عليا واللي يسألني هو ده معدي أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني اعمله عشان الناس مش هتقبلك كدة، وفكرت في كلامهم بصراحة واستكمل: "لقيت إن عندي حلين يا فعلا شكرا لحد كدة على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو".

وبعد إعلان رامي للمرض قدم عدد كبير من الفنانين الدعم له فكتبت إليسا:"ممنوع تغيب وممنوع يكون البهاق عذر لغيابك. إنت بتقول ابتليت بالبهاق، بس مش سبب لتخاف وتغيب. في ناس ابتلت بالكذب والخيانة والسرقة وما هزت. وجودك أساسي ومتل ما إنت بتقول: أصل الحكاية مش حكاية "شكل"... حكاية روح".

و علق احمد جمال:"سلامتك يا رامي يا حبيبي أولاً ربنا ما بيختارش غير الخير و تأكد ان كل اللي بيحصلنا في الدنيا من تدبير ربنا و رحمته بينا ثانياً جمهورك اللي بيحبك هيفضل يحبك و مكمل معاك بأي شكل و ف أي وقت ثالثاً و ده الاهم مفيش " جمال " ضعيف كل عيلة جمال جامدين يلا يا بطل انا مستني الألبوم".

وكتب هشام جمال:"عندي احساس من كلامك ان دي هتكون بداية مرحله كلها نجاح ونضوج وتركيز ان شاء الله الف مليون سلامه عليك يا رامي ومستنيين الاغاني الجديدة. ودعم تامر حسني رامي من خلال بوست على الفيس بوك كتب به:"إلى الفنان الكبير و الصديق الحقيقي و المحترم رامي جمال يا حبيبي انت فنان كبير و محبوب و ليك قيمتك و كل الناس بتحبك و مفيش حاجه هتعطلك عن نجاحك ، و تعبك دا لاهو مؤذي ولا مُعدي و كل الناس جواها تعب في منه اللي ظاهر و في منه اللي مش ظاهر حتى لو كان تعب نفسي او مادي كل شخص جواه وجع من حاجه معينه المهم اننا نبص و نتعلم من اللي ظروفهم اصعب مننا و رغم كدا عندهم صبر و بينجحوا في الإختبار و بيقولوا الحمدلله و مكملين و عندهم إراده و بينجحوا اكتر من الأول لازم تكمل نجاح يا رامي و شيل اي هلاوس من دماغك و اوعى تخبي نفسك اللي بيحبك بيحبك لشخصك و فنك صدقني دي حاجه عاديه يا رامي والله ملهاش اي تأثير لا عليك ولا على جمهورك بالعكس بقى انت اكيد شايف الناس كلها طيبين ازاي و نفسهم يفرحوك و بعدين إفتكر ان مايكل چاكسون جاله نفس اللي جالك و بقى اسطوره مبتتكررش خاااااص وانت فنان و عارف ...انا واثق انك مؤمن و بتحمد ربنا و هتقوم و هتكمل و هفكرك قدام كل الناس اللي شايفه كلامي انك هتنجح اكتر و اكتر و ربنا هيكرمك اجمل كرم و هتشوف قريب
بحبك يا رامي".

ونشرت زينة بوست عبر الإنستقرام قدمت به الدعم لرامي فكتبت به: "انسان محترم ربنا يعفوا عنك ...للاسف احنا في دنيا مابترحمش والنَّاس بقت صعبه ياريت نحاول يكون في قلوبنا رحمة ...انت انسان موهوب يمكن انا ماتشرفتش بمعرفتك بس قلبي معاك واوعي تفكر تتهزم ده مرض عادي وربنا يعفوا عنك وقول الحمد لله والنَّاس الرحيمة كتير واعتبرني من اهلك والإنسان بموهبته واحترامه وأخلاقه وبس"

أما أمير طعيمة فكتب ببوست على الفيسبوك قال فيه :"هو أنا معترض علي حاجات كتير في البوست ده لاني بقابلك و شايف انك بتحلو و زي القمر و مش بتوقف خالص عند موضوع البهاق ده، و اذا كان لفت نظر حد اول مرة ففي المرة التانية محدش بياخد باله اصلا.بس الاهم من ده كله يا رامي انك فنان و بتحترم جمهورك كملحن و كمطرب، يعني مش عارضة أزياء عشان تفكر في الاعتزال و الكلام الفاضي ده، كبر دماغك يا صاحبي، انت اكبر و اهم عندنا كلنا من ده بكتير...