رفع عدد من النجوم الوعي بأنواع ضعف البصر الذي تتولاها جمعية البصيرة في مصر، من خلال نشر صور لهم غير واضحة المعالم عبر حساباتهم على "انستغرام"، من أجل اظهار الضعف الذي يمكن أن يصيب العين بضمور.
آخر هؤلاء النجوم منى زكي التي نشرت صورة لها عبر "انستغرام" أرفقتها بتعليق " اللي على الصورة ده مش فلتر، دي صورة طبيعية بس من عين شخص عنده مياه زرقة أو (جلوكوما ) و دى من أشهر أنواع ضعف البصر وبتيجي من تكون سوائل على العين بشكل بطيء ومش ملحوظ و بتعلي ضغط العين وممكن تؤدى إلى فقدان كامل للبصر، أحسن طريقة للوقاية هى المتابعة وقياس ضغط العين بانتظام، يقدر الشخص ضعيف البصر بسبب الجلوكوما يعيش حياة طبيعية لو اتدرب و اتعلم ازاي يستخدم المتبقى من بصره، تابعوا مؤسسة بصيرة خلال شهر فبراير علشان تتعرفوا على أنواع ضعف البصر والخدمات اللي بتقدمها فى التأهيل والتدري، لما بنشوف الدنيا بعيون غيرنا بنقدر نتخيل حياتهم ونفهم احتياجتهم".
اياد نصار شارك صورتين عبر حسابه على "انستغرام" وأظهر الفرق بينهما، وعلق قائلا " الصورة دي مفيهاش حاجة غلط، دي صورة طبيعية بس من عين شخص عنده ضمور في الشبكية Macular Degeneration وده نوع من أنواع ضعف البصر بيخلي الشخص يفقد النظرة المركزية والتفاصيل الدقيقة اللي في الصورة.الشخص ده محتاج يعرف ازاى يقدر يعتمد على رؤيته الجانبية ويقويها، علشان يمارس حياته بشكل طبيعي جدا".
وكانت نشرت منذ ايام علا رشدي صورة لها غير واضحة الشكل علق عليها " الصورة صح بس انت شايفها من عين شخص عنده Diabetic Retinopathy
اعتلال الشبكية السكري هو نوع من أنواع ضعف البصر وبيجي كعرض جانبي لمرضي السكر. في بداياته الاعراض بتكون بسيطة لكن مع استمرار السكر العالي في الدم ممكن يؤدي لفقد البصر. بالمتابعة الدورية للسكر فى الدم و بتحسين الإضاءة واستخدام المعينات البصرية نقدر نتعايش معاه".
إنجي المقدم نشرت صورة لها بفستان لم يظهر بشكل واضح وعلقت على الصورة " اللي على الصورة ده مش فلتر، دي صورة طبيعية بس من عين شخص عنده Retinitis Pigmentosa (التهاب شبكى تلونى) وده نوع من أنواع ضعف البصر. معظم الحالات لا يمكن علاجها لإنها وراثية، بس بالتأهيل والتدريب يقدر الشخص إنه يستغل المتبقي من بصره ويعيش حياة طبيعية."
وكان سبق وقام أحمد فهمي منذ حوالي الأسبوع بنشر صورة له من داخل سيارته وبرفقة كلبه، أرفقها بتعليق " الصورة دي مفيهاش حاجة غلط، دي صورة طبيعية بس من عين شخص عنده ضمور في الشبكية Macular Degeneration، وده نوع من أنواع ضعف البصر بيخلي الشخص يفقد النظرة المركزية والتفاصيل الدقيقة اللي في الصورة، الشخص ده محتاج يعرف ازاى يقدر يعتمد على رؤيته الجانبية ويقويها، علشان يمارس حياته بشكل طبيعي جدا".
