في أول ظهور لها بعد وفاة زوجها، دخلت نشوى مصطفى في نوبة بكاء بعد أن عادت للعمل بسبب التزاماتها.
وقالت :"الحقيقة أنا مش عارفة أبتدي الحلقة النهارده إزاي؟ فيه التزامات فالحياة بتجبرنا إن إحنا لازم نشتغل، وأنا مكنتش عايزة أكون موجودة النهارده علشان أنا محبش أزعج حضراتكم بشيء شخصي، فأرجوكم سامحوني وهحاول أتماسك قدر استطاعتي".
وتابعت:"ومن فضلكم اللي بيحب ربنا لو سمحتوا ادعوا لزوجي بالرحمة، اللهم لا اعتراض، أنا مسلمة ومسلّمة أمري لله وكلنا هنموت، لكن أنا مش عارفة أعيش، عشرة 33 سنة مشوفتش منه غير كل خير وود ورحمة واحتواء وطمأنينة وسند ودعم، وحسن تربية لأولادي وأولاده".
وكانت نشوى ، نعت زوجها، منذ ساعات قليلة ماضية على حسابها، حيث كتبت:" يانور عينيه ربنا يحاوطك بنور وجهه الكريم ربنا يراضيك ويكرمك الف رحمة ونور ياعشرتى الطيبة الف رحمة ونور ياونس روحى ادعى لى ياحبيبى، للي بيحب ربنا والنبى يترحم على حبيبى"
