بعد موجة الإنتقادات التي وُجهت لها من قبل بعض المتابعين، إثر نشرها صورة وهي تقبّل إبنها يوسف عبر السوشيال ميديا، ردّت هاجر الشرنوبي على المُنتقدين في رسالة شاركتها عبر ET بالعربي.
هاجر الشرنوبي لمنتقديها عبر ET بالعربي: "حبّوا أولادكم واحتضنوهم"
هاجر تحدثت عن المشكلة في تسجيل صوتي لـET بالعربي فقالت : "مش فاهمة فين المشكلة إني ببوس إبني، الموضوع كان غريب جداً بالنسة لينا، استفزنا بشكل مش طبيعي، والناس هاجمت ما عرفش ليه، أنا مش فاهمة فين المشكلة إني أبوس إبني".
تابعت : "أنا ببوس إبني في جزء من الثانية، بحضنو وببوسو، المشكلة إني أنا ببوسو من بؤو (فمه)؟ .. الناس سرحت في خيالها إني أنا أبوس إبني فرانش؟؟ دا لي تخيّل كدا عقلو مريض، أنا كنت بتصوّر مع إبني في عيد ميلادو، ودي صورة منتصورها كل سنة، في اقل من جزء من الثانية بحضنو ومناخد الصورة دي في ثانية".
ثم أكملت : "يا جماعة الدنيا أسهل وأبسط من كدا بكتير، حبّوا أولادكم واحتضنوهم وشبّعوهم حب وحنّية، علشان لما يكبروا مش أي كلمة حلوة تأثر عليهم".
وذكرت هاجر أن الهجوم الذي حصل عليها أزعجها هي وإبنها بشكل كبير، فقالت : "أنا مش مسؤولة عن أي حد يتخيل أي حاجة، إنتوا بتحاسبوني على إن حدّ تخيّل حاجة، إنتوا بتحاسبوني على حاجة غير الواقع الموجود، لا حول ولا قوة إلا بالله وحسبي الله ونعم الوكيل".
وكانت الشرنوبي ردت على تلك الانتقادات في بث مباشر عبر حسابها على إنستغرام، قالت فيه: “صحيت الصبح على تعليقات مش طبيعية من ناس واضح إنهم مش طبيعيين. أنا منزلة صورة لابني وأنا ببوسه بمناسبة عيد ميلاده، بجد مش لاقية تفسير للي بيتكتب غير في قلوبهم مرض فزادهم الله مرضا، يعني إيه المشكلة في صورة عيد ميلاده وأنا ببوسه؟ بجد مش فاهمة! الموضوع غريب جدًا، وأنا مش عارفة فين المشكلة…”.
هاجر كانت شاركت عبر إنستجرام صوراً من إحتفالها بعيد ميلاد إبنها الـ 13، وكتبت : "ابني حبيبي اللي شقيت وتعبت فيه 13 سنة، هفضل أحضنه وأبوسه حتى لما يبقي أب، وأى حد شايف في الصور دي أي عيب يروح يتعالج، واستعانة بالآية القرآنية "في قلوبهم مرض فزادهم الله مرضًا".
