هل يدمر حب ورد صداقة نجم الغانم وباسم في مسلسل ليل

كشف وسام فارس في لقاء حصري مع ET بالعربي عن دوره الجديد في مسلسل ليل ، الذي يعيده إلى الأعمال التركية المعربة بعد نجاحه الكبير في مسلسلَي “الثمن” و”العميل”. وسلط فارس الضوء على شخصية باسم، موضحًا كيف تختلف عن الأدوار السابقة التي قدّمها، والعلاقات المعقدة التي تجمعه بباقي الشخصيات، خصوصًا نجم الغانم وورد.

شخصية باسم في مسلسل ليل : هادئ، رومانسي، وصديق وفي

وصف وسام فارس شخصيته في المسلسل بأنها هادئة، منظمة، مثقفة، ورومانسية جدًا، مضيفًا: “فكتير مختلفة… شخصية شخص كثير correct، وصديق وفي، والكل بيتكل عليه مرتب.”

وتعتبر هذه الصفات محورية لتصوير علاقة باسم بنجم الغانم، حيث يمثل باسم الصديق المقرب والمساند دائمًا، مما يعكس علاقة أخوية متينة تتضمن الدعم والمشاكل اليومية، لكن دون أن تتحول للصدام العدائي، بحسب فارس: “كل شي رح نشوفه على الشاشة، حتى المشاكل اللي بتصير بين بعض، ما بتحسي إنه لو توصل لأوج الصدام بيناتهم بتحسي إنهم أعداء، بالعكس، بتشعر أنهم أخوين عم يتشاركوا.”

حب ورد: الصراع الداخلي لباسم

تتطور الأحداث بشكل كبير في مسلسل ليل حين يتورط باسم في مساعدة ورد، حبيبة صديقه السابق نجم، ليتفاجأ لاحقًا بمشاعره تجاهها. وصف فارس تلك المرحلة: “بالبداية ما بيكون عارف حتى إنه عنده هيدا الإحساس تجاه ورد… بالنسبة له، مفكّر إنه عم يساعدها كشخص لأنه حدا مظلوم… أكثر شي بيكرهه هو الظلم.”

وأضاف: “لما يكتشف حقيقة مشاعره، بعتقد كان حاسس بذنب كبير… في مرحلة هيك رح نحس إنه باسم صار شوي على الخط، على الهاوية، رح يوقع… هل بيوقع أو ما بيوقع؟ هيدا بدنا نشوفه ضمن سياق القصة.”

تأثير طفلة القصة: ملاك

أشار فارس إلى أن وجود الطفلة ملاك يشكل نقطة مركزية في الأحداث: “الحدث كله هو عند ملاك، إذا ما في ملاك كانت القصة خلصت عند قرار نجم إنه ما بده يكون هو وورد… ملاك هي السنتر أوف كل هيدي القصة.”

كما أشاد فارس بأداء الطفلة على الست: “كل ما أشوفها على الـset، قدّيش عم تتعب، وهي حدا طيب… رح تكسّر الدنيا بالمسلسل لأنها شاطرة جدًا.”

تجربة الأبوة وتجربة ياسمين

تطرق فارس أيضًا لتجربته كأب وقال: “أكيد، ما في أقول إنه مش حلو… مسؤولية كبيرة، بس من أحلى القصص اللي صارت بحياتي هي ياسمين. بالنسبة إلي، دايمًا بشوفها الصغيرة، حتى لما تكبر، رح تضل بنتي الصغيرة.”

وبخصوص عائلته مع زوجته ساره، أوضح فارس: “لما شخصين يقرروا يكفوا الحياة مع بعض، نحن عم نكفي الحياة مع بعض لنكوّن عائلة. إن شاء الله، نكبر عائلتنا… ياسمين بدها قبلنا إنه يكون عندها أخ أو أخت.”