"شاطرين، وناجحين وإحنا بنحبهم وبنحب نسمع أغانيهم وبيفرحوا كل الناس، ربنا يزيدكم"، بهذا التعليق المرفق بصورة من حفل الزفاف تجمع هنادي مهنا وأحمد خالد صالح، بـ عمر كمال، حمو بيكا، وحسن شاكوش، ردت هنادي مهنا على تصريح والدها هاني مهنا عبر ET بالعربي عن تفاجئه بحضورهم وأنه لا يعرف شكلهم.
وقالت هنادي من خلال مجموعة ستوريز عبر حسابها الرسمي على الإنستغرام، "عايزة أوضح إني أنا اللي مكلمة عمر كمال وأنا اللي عزماهم، وكلمت حسن شاكوش وحمو بيكا وماردوش، وعمر كمال اللي قللي هيجبهم مفاجأة، وأنا كنت عايزة وجودهم علشان الناس كلها بتحبهم وبتحب أغانيهم وبتتبسط لما بتشتغل، وهما شرفونا ونورونا وفرحونا مش إحنا بس كل الناس اللي موجودة، وأنا من أكبر محبي المزيكا اللي بيقدموها"، وأضافت "والدي مكنش يعرف إن هما جايين، وفكرة إني بحب أغانيهم متخصش أي حد".
وتابعت هنادي من خلال الفيديوهات، "أحمد ياسين الـ Wedding Planner معندوش علم بأي حاجة، ومالوش أي علاقة بالموضوع، أنا أصريت يكونوا موجودين وأنا مكلماهم بنفسي، وبشكر كل مين تعب معنا وكل اللي كانوا موجودين، ويا ريت مبقاش ندي الموضوع أكبر من حجمه".
وعادت هنادي مهنا وظهرت في فيديو مع زوجها أحمد خالد صالح، حيث قال "مفاجأة عمر كمال وحمو بيكا وحسن شاكوش كانت حلوة قوي وبسطونا وبجد شعللوها، والناس كانت مبسوطة بوجودهم، وبعيداً عن كل اللغط ده شكراً إنكم نورتونا وشرفتونا"، وتابع "مع كل التقدير والإحترام للأستاذ هاني شاكر ونقابة الموسيقيين، بس ده موضوع مختلف هما كانو معازيم".
وكان حمو بيكا قد رد من خلال ET بالعربي، على تصريحات هاني مهنا، حيث كشف أن الذي دعاه لحضور حفل الزفاف هي هنادي مهنا، وقال "معايا voice منها وهي تدعوني لحضور الفرح وبتقولي نفسي تحضر فرحي".
أما عمر كمال فرد أيضاً ببوست عبر الفيسبوك قال فيه "تم دعوتنا من بنت حضرتك الفنانة هنادى مهنا وجرى التأكيد علينا، وإحنا ناس ذوق ومحترمة ولبينا الدعوة وحبينا نفرحها زى ما أى نجم راح وشارك، وإحنا أكيد منعرفش لا مكان الفرح ولا معاده غير بدعوة منها وأكيد مش هنروح فرح وهيترحب بينا وهنطلع نغنى من غير ما نكون مدعوين على الفرح ده".
تابعوا في ETبالعربي:أحمد خالد صالح وهنادي مهنا يبكون الجمهور 🔽
