لأول مرة منذ بدأ الخلاف، تدخلت هنا الزاهد للدفاع عن زوجها أحمد فهمي على خلفية سحب إعتذاره من لاعب الزمالك شيكابالا.
ومن خلال فيسبوك، نشرت هنا صورة لزوجها ووجهت له رسالة كتبت فيها "بعيدا ان شهادتي فيه مجروحة لأن الناس هتقول بقول الكلام ده عشان جوزها. أنا لا بفهم في الكورة ولا بتفرج عليها بس بشوف قد ايه الإنسان ده بيحب يكون عفوي وبينسى إنه ممثل وبيتعامل مع كل الناس بكل زوق حتى في الشارع وفي التصوير وفي كل مكان والناس اللي عرفاه عرفين ده كويس".
وأضافت هنا: "بس للأسف الإنسان ده بينسى و بيخسر من كتر ماهو اللي في قلبه على لسانه ومش بيحب ينافق ولا بيرضي حد عشان يكسب جمهور زي ما ناس كتير بتعمل كده. لما بيكتب رأيه بيكتبه على اكاونت فيسبوك اللي فيه صحابه زيه زي أي حد أهلاوي بس للأسف بتطلع أخبار بالكلام اللي بيقوله".
وختمت هنا رسالتها قائلة "عموما أنا عايزة أقولك انك قلبك طيب و عفوي بزيادة وبتقول اللي جواك من غير متحسبها عشان بتنسى إنك ممثل أصلا بس الأيام دي مينفعش تبقى كده للأسف، إعمل اللي يريحك لأنك إنسان واحنا كده بنحبك جدا".
وكان فهمي قد وجّه إعتذار لشيكابالا بعد التنمر عليه من قبل بعض مشجعي الأهلي ممن شبهوه "بالكلب" خلال المباراة الأخيرة بين الأهلي والزمالك ضمن نهائي دوري أبطال إفريقيا، ولكنه سرعان ماسحب إعتذاره بسبب رد شيكابالا على الجماهير.
