ردّت يارا قاسم عبر ET بالعربي على الجدل المثار حول مدى إتقانها اللهجة المصرية، بعد مشاركتها في المسلسلات وننسى اللي كان واللون الأزرق خلال موسم رمضان 2026، مؤكدة أن الأمر يحتاج إلى وقت وتدريب مستمر.
وقالت لـET بالعربي:"الموضوع أكيد بياخد وقت، عشان حتى لو عرفت أقول الكلام صح، لسة في اللحن بتاع الكلام أو الاكسنت بتاعت الحروف، ولو بسمع نفسي مرة تانية بحس إني في حاجات بقولها مش صح، وهتاخد وقت أكيد،".
وأضافت:"والكاميرا كمان بيبقى استرس فبخليك ترجع تاني للهجتك وانتي مش واخدة بالك، حتى لو متدربة ومحضرة كويس، فتقع منك حروف بتقوليها غصب عنك غلط، فكان التحضير صعب، وكنت متوترة ولكن كل الاساتذة اللي في اللوكشين ساعدوني اوي اوي، وكانوا واقفين معايا كلهم، وكنت بروح كل شوية ليهم كلهم واسمعهم الحوار بتاعي واقولهم كده صح فكانوا بيصلحوا ليا هنا او هنا كده".
وتابعت يارا أن دعم فريق العمل داخل مواقع التصوير كان له دور كبير في مساعدتها على تجاوز هذه التحديات، خاصة مع حرصهم المستمر على تصحيح الأخطاء ومساندتها خلال التصوير.
