تصدر إسم أحمد ماهر، ياسر جلال و رامز جلال مواقع التواصل الاجتماعي خلال الأيام الماضية، و ذلك لإنتشار فيديو تحدث فيه أحمد ماهر بشكل غير لائق عن رامز جلال و والده الراحل المخرج جلال توفيق.
تعليق أحمد ماهر عبر ET بالعربي على اعتذار ياسر جلال
من جهته، علّق أحمد ماهر عبر ET بالعربي على ما قاله ياسر جلال بالفيديو الذي شاركه عبر انستقرام قائلا: "يعني أنا بقول إني ياسر ورامز أولادي في الأول وفي الآخر لأن الصداقة اللي بيني وبين المرحوم والدهم كانت بالغة القوة وأنا داخل بيته وأكل عيش وملح معاه فالعفوية سمحت لي في لحظة انفعال إني واخد راحتي في الكلام ليس إلا".
وتابع: " يعني وبالتالي هناك الطفيليين اللي حبوا يستثمروا ده أسوأ استثمار من خلال تسجيل بقاله شهور إيه اللي جابوا النهاردة إنما يعني الأمر لله احنا حياتنا مليئة بالمتطفلين والموضوع انتهى على خير وياسر تفهم اللحظة ورده اللي نشروا أبلغ دليل على مبلغ المحبة اللي بيني وبينهم تحياتي".
وكانت نقابة المهن التمثيلية قد أخذت بعد هذا الفيديو إجراء بـ إحالة أحمد للتحقيق، كما أصدرت النقابة بيان قالت فيه "تقدم نقابة المهن التمثيلية برئاسة الدكتور أشرف زكي وأعضاء مجلس الإدارة بالاعتذار لأسرة المخرج القدير الراحل جلال توفيق والفنان ياسر جلال والفنان رامز جلال، عما بدر من الفنان أحمد ماهر، وقد أحالت النقابة الموضوع للتحقيق العاجل.
ياسر جلال يقبل إعتذار أحمد ماهر: "حضرتك في مقام بابا الله يرحمه"
إلا أن ياسر جلال نشر فيديو عبر حسابه الرسمي على انستقرام قال فيه "الفيديو ده للفنان الكبير استاذ احمد ماهر.. اولا انا بشكر حضرتك على الاعتذار اللي حضرتك نزلته.. و عايز اقول لحضرتك ولا يهمك و حضرتك في مقام بابا الله يرحمه و انا و رامز بنحب حضرتك جدا و حصل خير".
و أكمل حديثه قائلاً "انا بس عايز افكرك بـ حاجة.. فاكر اما كلمتك من فترة و قلتلك انا بطمن عليك.. و ان ابويا وحشني فـ كلمتك عشان اشم ريحته فيك و افتكره.. حضرتك هتفضل بالنسبة لنا اب و اخ كبير.. و حصل خير مفيش اي حاجة.. كل سنة و حضرتك طيب.. بنحبك و بنحترمك و رمضان كريم".
يذكر أن ياسر جلال يشارك في السباق الرمضاني 2026 بمسلسل كلهم بيحبوا مودي و يشاركه البطولة ميرفت أمين، مصطفى أبو سريع، أيتن عامر، هدى الأتربي، و ريهام الشنواني.
