أعلن مساء أمس حسن سامي زوج داليا البحيري ببوست على الفيس بوك عن إصابته بفيروس كورونا وطمأن الجميع على صحته بالبوست فكتب: "I tested positive for Covid-19 now...الحمد لله علي كل شئ، حالتي كويسة جداً، دعواتكم مكونش نقلت العدوة لمراتي والولاد اهم حاجة.. اسألكم الدعاء🙏ارجوكم بلاش اتصال، انا كتبت البوست علشان اي حد تعامل معايا او حد من القريبين مني يعرف مش اكتر.
وأجرت داليا البحيري مسحة كورونا هي وابناؤها وتبينت سلبيتها وطمأنت داليا جمهورها من خلال بوست نشرته على الفيس بوك قالت به: "احب اطمنكوا جميعا نتيجة المسحات طلعت والف حمد وشكر ليك يارب كلها طلعت سلبية ليا وللولاد كلهم والمساعدين في البيت🙏🏼🙏🏼🙏🏼شكرا يارب علي كرمك ...احب اطمنكوا كمان ان حسن الحمد لله كويس وبيشكركم كلكم علي الرسايل والتليفونات بجد حبكم لينا ومساندتكم لينا عندنا بالدنيا وأحلي نعمة من ربنا...وآسفة اني ساعات مش بلحق ارد علي كل مكالماتكم او بضطر اقفل في نص المكالمة عشان دكتور بيتصل علي الناحية التانية او معمل او صيدلية...بجد بشكركم علي جمال قلبكم واهتمامكم ودعواتكم لأبو علي حبيب الكل ربنا يقومه بالسلامة وبشكر كل اللي بعت رسالة عشان مقدر لبختنا...انتم جميعا فوق الراس وجوه القلب...ربنا يحفظكم جميعا من كل شر ويحفظ عائلتكم وحبايبكم🙏🏼🙏🏼🙏🏼".
