لا تزال قضية تغريدات باسم مغنية تتصاعد خاصةً وأنها أشعلت جدل الممثلين اللبنانيين والسوريين من جديد، بعدما رد من خلالها على تصريحات معتصم النهار في برنامج "الأحد منحكي" مع جيسيكا عازار، عن سبب تفضيل الممثل السوري على اللبناني بالأعمال المشتركة..
وسام حنا دخل على خط الجدل من خلال تغريدة جعلت باسم مغنية يعتبر نفسه المقصود فيها، حيث كتب وسام "خلصنا بقا من هالجدل البيزنطي بين الممثل السوري و الممثل اللبناني. كل واحد بياخد رزقتو بالحياة. عيب بقا. استحوا جرصتونا كل واحد منكن صار اخد فرصتو بكذا مسلسل لبناني او عربي. وكذا مرّة. و من سنين. بتحبوا ذكركن. اذا انت ما عندك لا كاريزما و لا منظر و لا موهبة شو منعمل".
باسم رد على وسام بتغريدة، "يا ريتك فهمت شو كتبت.شو خص سوريا ولبنان"، مما إستدعى إلى رد من الصحافة اللبنانية الذين غردوا، "ما بعرف ليه في ناس مفكرين انو بتقصد باسم مغنية .. مستحيل تكون تقصده.. اولا لانه باسم بشرّف الدراما اللبنانية .. وثانيا لان مفروض اذا بدو ينذكر يسبق اسمه كلمة "استاذ" نظرا لتجربته الطويلة واحترافيته أكاديميته.. اذا باسم مش موهوب ومش ممثل يعني ما في ممثلين بلبنان"، باسم عاد وأكد أن وسام قصده بالتغريدة "هو قاصد.بسيطة".
"إجباري كتار بدهون يصطادو بس كلامك واضح لا فيه تعدي ولا تعصب"، هكذا كتبت أمل عرفة لـ باسم مغنية، حيث شكرها بدوره "شكرا لتفهمك ومحبتك يا كبيرة من بلادنا"،
أما سلاف فواخرجي فقد غردت لـ باسم على تويتر "مابنسى لما اشتدت الحرب على سوريا أول اتصال كان من باسم خايف عليي وملهوف قلي سلاف فورا بتجي انت والعيلة لعنا بيتنا مفتوح الكم كلكم ومو تسجيل موقف كان صادق متل ماهو صادق دايما وحلف مية يمين نروح لعندهم عالبيت وبالزور لقنعته انو مارح نطلع بس بقي هالشي معلّم بقلبي"، وأضافت "اسمك وفنك واخلاقك ومحبتك للناس ومحبتهم الكبيرة الك اكبر شاهد ومو انت يلي بتقول لبناني وسوري كلامك واضح وانت معروف ايمت بدنا نخلص من التفكير بهالطريقة الحياة والفن اكبر من هيك والجودة عمرها ما كانت جنسية الجودة موهبة وإيمان وجهد وإخلاص حتى لو انظلمت بس بتبقى بقيمتها".
باسم مغنية رد على سلاف فواخرجي، "شكرا لكلمات الجميلة يا أحلى نجمة. بحبك"، نزار فرنسيس غرد، "نحنا منحبك ومنحب تمثيلك والكاريزما اللي عندك ومنشوف حالنا فيك.."، من ناحيتها غردت الإعلامية حليمة طبيعة منتقدة تغريدة وسام حنا "باسم مغنية ممثل كبير ومنفتخر فيه.. ومش بس شكل ومنظر وكاريزما.. لا موهبة كبيرة ومتخصص وأستاذ كمان.. هيدا رأيي..كرمال شفت ملك جمال سابق عم يقيّمو".
عديلة غردت بالقول، "باسم مغنية ممثل محترف واسم مشرّف للدراما وصاحب تاريخ من النجاحات الحلوة.. ونحن كلبنانيين ما منعرف نكون مناح بحق بعض".
يوسف حداد دخل على خط الرد على تصريحات معتصم النهار، فقال: "بعيد عن همومنا افتخر بأني درست التمثيل والاخراج بالجامعة اللبنانية وعلى يد أجدر واكفأ اساتذة وهذا ما أكده زميلي في الدراسة والتألق النجم باسم مغنية في تعليقه برقي على كلام الصديق النجم معتصم النهار الذي اعرف جيدا وانه لا مشكلة بينهما ابدا بل تفسير وشرح موضوعي لزميل فاته أمر وبس".
