يستعد الجمهور بحماس كبير بدء عرض فيلم "الخطة العايمة" في صالات السينما، يوم 6 أكتوبر، وهو من بطولة غادة عادل، محمد عبدالرحمن، عمرو عبدالجليل، علي ربيع، ومن إخراج معتز التوني، وتأليف كل من أحمد عبد الوهاب، وكريم كنز، وإتاج شركة آل رمزي (شهد محمد رمزي).
شهد رمزي المنتجة لـ "الخطة العايمة" وقبل عرض الفيلم، تواصل معها ET بالعربي لتخبرنا أكثر عن التفاصيل، فقالت عن خوضها تجربة الإنتاج "اللي شجعني إن أخوض تجربة الإنتاج الأولى، إن عشت كل حياتي بالبيت في جو الإنتاج، وحصلي حب كبير لصناعة الفن، وكنت دايماً مرافقة لأمي وأبويا اللي هما برضوا كانو بيفهموا بالحجات دي".
وعن قصة الفيلم، قالت شهد رمزي لـ ET بالعربي، "هي مهمة يدخل فيها الأبطال، بيسرقوا بنك وبيكونوا ما عندهمش الكفاءة إنهم يسرقوه، وغادة عادل هي اللي بتساعدهم على ده بالرغم إن هي طيبة جداً ومش مافيا ولا حاجة ويمكن مافيا مش هقول، وبشكرها على أخلاقها وجمالها في الفيلم وكل حاجة".
وعن المخاطرة بعرض الفيلم خلال الفترة الحالية، قالت شهد "من أيام أبويا وجدي حسن رمزي وإحنا منفتح مواسم جديدة، والموزع الشاطر زي الأستاذ وائل عبدالله منتج وموزع الفيلم، فهو لما فكرنا بعرض الفيلم إتفقنا إننا هننزل موسم جديد، والوضع ده مش مأثر علينا بشكل سلبي، ووحشنا الفيلم الكوميدي، وهو للصراحة risk وإنشاء الله يبقى لصالحنا".
وعن مشكلة إسم الفيلم مع عنر طاهر، قالت شهد رمزي لـ ET بالعربي، "مع إحترامي لـ عمر طاهر ما حصلش بينا أي تلفونات أو أي حاجة، ولما عمر طاهر يشوف الفيلم هيعرف إننا ما أخدناش إسم أي فيلم ومعملناش أي إقتباس، وما فيش فيلم لـ محمد هنيدي نزل بالإسم ده وإحنا سرقناه، وماكناش على علم ومش هو سبب تغيير إسم الفيلم، وهو كاتب يحترم".
