تداولت عدد من المواقع خبر زواج سري بين رضوى الشربيني وسمير يوسف الرئيس التنفيذي لمجموعة قنوات CBC المصرية وزوج الإعلامية "منى الشاذلي".
وبالرغم من حرصها على تجاهل الشائعة التي تلاحقها منذ خمسة سنوات حسب قولها، قرّرت رضوى الرد هذه المرة لأن الموضوع لا يمسّها لوحدها، فقالت في بث مباشر على فيسبوك "الإشاعة دي متخصنيش أنا لوحدي، عشان كده دي ثاني مرة أطلع أتكلم"، وتابعت: "أنا شخص مش مرتبط، ولما حرتبط، كل الناس حتعرف عشان أنا مش الست اللي بتعمل حاجة في الخفا، وهي مش حاجة تتخبى الصراحة لأنه الجواز مش عيب ولا حرام".
ولمّحت رضوى في حديثها إلى أن الشائعة مدبّرة من أحدهم ودون أن تكشف عن هويته خاطبته قائلة: "لما يبقى فيه شخص مش محترم يطلّع عليا إشاعة مش محترمة، لو إنت ماتحبنيش، طلّع اللي إنت عايزه بس ماتضرش ناس ثانية وعيلة كاملة مالهاش أي ذنب".
وأكّدت في نهاية البث أنها ترفض تماماً الإرتباط من شخص متزوّج وقالت: "أنا لا أقبل أتجوّز راجل متجوّز، ولا أقبل حتى فكرة انه أنا أدخل مع حد في علاقة حتى يطلّق مراته.. فيه ستات تقبل بكده هي حرة"، وتابعت: "حرام تكسري قلب ست، وأنا مستحيل أكسر قلب ست ثانية".
