كشف مدحت العدل لـ ET بالعربي، أنه قام بالإتصال بـ رامي صبري وعزيز الشافعي، للوقوف عند الخلاف الذي حصل بينهم، إضافة لـ تامر حسين، بسبب أغنية "شكراً" لـ عمرو دياب من ألبومه الجديد.
وقال مدحت العدل لـ ET بالعربي، "كلمتهم وطلبت منهم يتوقفوا عن تبادل الإتهامات على السوشال ميديا خصوصاً، وإن في حاجة إسمها جمعية المؤلفين موجودة واللي عندو شكوى يجي يقدمها، وإحنا فوسط واحد واللي مشتغلتش معاه النهاردة هشتغل معاه بكرا، فما بالك دول ناس فنانين، إنت راجل فنان يعني حساس والكلمة بتأثر فيك سواء سلباً أو إيجاباً، يعني لغاية دلوقتي مفيش حد فيهم إتقدم بشكوى وأتمنى أن تستمر العلاقات الطيبة، وهناك جهات هي مسؤولة عن حل الخلاف بين الفنانين، لإن الخلافات شيء طبيعي بيحصل في كل حتة، عندنا نقابة الموسيقيين وجمعية المؤلفين وجهات كتيرة جداً تستطيع إنها تحل الموضوع ده اللي أنا عملته ولغاية دلوقتي لا جديد، محدش إتقدملي بشكوى يعني".
