حماس هبة طوجي لطرح ألبومها الرابع يبدو واضحًا ، كونها ستشارك أسامة الرحباني في تلحين بعض أغنياته، بالاضافة الى أنه سيحمل الكثير من المفاجآت.
وشاركت هبة صور لها مع أسامة وفريق عملها خلال تسجيل أغنيات العمل عبر حسابها على "تويتر" وعلّقت قائلة "اشتقتلكن كتير! صرلي فترة عم بشتغل على البومي الرابع باللغة العربية من إنتاج اسامه الرحباني".
وتابعت "بس متل كتار غيرنا، الظروف الصحية المحيطة فينا عم تأخر مشاريعنا. الاكيد انو الصحة هي الاولوية وعم نشتغل من كل قلبنا لنقدملكن عمل بليق فيكن وفينا. كل يللي فيني قلكن ياه هو اني كتير متحمسة تسمعو الالبوم بس يصير جاهز هو نتيجة سنين طويلة من الجهد والخبرة يللي اكتسبتها من اول مرة وقفت فيها عالمسرح بال ٢٠٠٨ لليوم!".
وأضافت هبة "لاول مرة رح تسمعو بالالبوم بعض الاغاني يللي شاركت فيها اسامه بالتلحين وغيرها من المفاجآت والتعاونات الجديدة! شكراً لدعمكن الدائم❤ هبه".
