شارك حسن شاكوش بوست منسوب لصفحة ريهام سعيد على الفيسبوك تهاجم به شخص ما اعتبره شاكوش أنها تتحدث عنه وجاء في رسالة ريهام: "هو أنا مالقتش صورة تناسبك اكتر من دي انا مهذبة ومحترمة ومتربية لغاية أولادي مابشفش ادامي يا جربوع لما تبقى واحدة هي اللي بتحركك عشان تدخل في اعراض الناس تبقى مش راجل كل اللي بتقوله كدب يا واطي بس هي مش غلطتك هي غلطة اللي طلعك من البكابورت بس أصل العربيات مبتعملش ناس محترمة الواطي هيفل واطي وهي غلطتي من الأول الإجراءات القانونية كلها هتتاخد فورا عشان تبقى تحكيلنا على اللي شفته وانت اصلا مدخلتش".
حسن شاكوش رد على البوست بـ: "ردي علي الكلام دا بالقانون لان احنا في بلد القانون"، وجائت تعليقات جمهور شاكوش معه مهاجمة ريهام سعيد وكتب أحد المتابعين: "حسن انت كلامك مصدق واحنا عارفين حوارات ريهام سعيد يااستاذة ريهام مفيش حد جاي من مستنقع كلنا ولاد تسعه وحسن محترم ومش عيب الواحد يشتغل ويجتهد ويثبت نفسه".
هذه المشادة جاءت بعد تصريحات ريهام سعيد في برنامج "شيخ الحارة والجريئة" عن شاكوش في حفل لأولادها في الساحل الشمالي، حيث قالت أنه طلب مبلغ ضخم للغاية مقابل الغناء وعندما جاء إلى الساحل الشمالي كان الشارع مزدحم وطلبت منه أن يسير على أقدامه، ولكن مدير أعماله رفض وقال "حسن مش بيمشي على رجليه".
وكان حسن شاكوش قد شارك فيديو مساء أمس على صفحته على الفيسبوك معلقًا : "في الصيف اللي فات أنا كنت في الساحل الشمالي وهي كلمتني وطلبت مني أني أروح أحضر حفلة تخرج مع أولادها وأصحابهم، وفي الفترة دي أنا كنت في مشاكل مع النقابة ومكنش ينفع أني اشتغل وأنزل حفلات قالتلي متقلقش وطلبت منها إنها متعملش دعاية وهي قالتلي إن ولادها وصحابهم بس اللي هيكونوا موجودين وفي النهاية اتفقنا على 10 آلاف جنيه وقولتلها تديهم للناس اللي معايا أنا مش هاخد حاجة".
