كشفت كارول سماحة من خلال فيديو لها عبر انستغرام وجهتة لكل محبيها عن أسباب تأخير الألبوم الجديد قائلة "أول شي اشتقتلكن كتير، بعرف صار لي زمان ما طلعت على السوشيال ميديا، ودردشت معكن، وبعرف في كتير أسئلة ما جاوبتكن عليها ، واليوم حاسة إني مستعدة "اجاوبكن على كل شيء".
ولفتت كارول أنه رغم وعدها لجمهورها بأن هناك أعمال جاهزة وكان من المفترض طرحها بالصيف، غير أنها أجلت طرحها كونها لم تكن مستعدة نفسيًا نظرا لما يمرّ به لبنان "وعدتكن انا بالصيف انه كان في أعمال خالصة وجاهزة تنزل هذة الصيفية، بس ما نزلت صراحة أنا ماكنت نفسيآ جاهزة إني أنزلها ...صحيح إني عايشة بمصر.. بس ما بنكر أن الجو العام أو حتى الوضع خاصة بلبنان كان مآثر عليا وعاملي إحباط".
تابعت "فضلت ما أنزل العمل لأن مجرد ما حنزلة لازم أتفاعل معكن يوميآ على السوشيال ميديا ونفرح مع بعضنا فيه ، بس بوعدكن إن العمل ما راح يتأجل.. سبق وقريتوا عنه وهو أغنية جديدة راقصة و فرحة جدًا من كلمات وألحان صديقي سليم عساف وإنتاج لايف ستايلز ستوديوز و إخراج بتول عرفة ".
كما أوضحت أن الألبوم تأخر بسبب عملية المكساج التي تحصل في لبنان، والتي هي في الوقت الحالي غير ممكنه بسبب نقص بمادة المازوت وبسبب عدم وجود مولدات وعملية المكساج تحتاج لوقت طويل "أما بالنسبة للألبوم اللي كنت وعدتكن ينزل ما بين شهر سبتمبر وأكتوبر وصارلي سنتين بشتغل عليه.. للأسف ها الألبوم المكساج تبعة بعد ما خلص ، والسبب للأسف انه الميكس بيتم في لبنان بإستوديوهات لبنانية ..والظروف اليومية اللي عم يمرق فيها لبنان ولا في كهرباء ولا في مازوت بيتأمن لمولدات الكهرباء ، والألبوم كان بيتطلب ساعات طويلة بالاستديو لأنه فيه 11 أغنية، فلا أنه ما أتأمن ها الشىء فما خلص الألبوم".
وتأسفت كارول لهذا الأمر واعدة جمهورها أنه أول ما تنتهي عملية المكساج ستعلن عن تاريخ جديد لطرح ألبومها، مضيفة "اللي ما بعتبره أنه كتير تجاري وبنفس الوقت ماهقول أنه البوم نخبوي ، وبتعرفوني أنا الفن عمري ما حطيتة بخانة معينة ودايمآ في أعمال أوقات بتفاجئنا، انتظرا قريبا أغنيتي يا شباب يا بنات وأنا بحبكن كتير".
