حلقة مميزة مع حميد الشاعري مساء أمس والذي حل فيها ضيفًا في برنامج "حبر سري" المذاع عبر شاشة "القاهرة والناس" وتقدمه أسما إبراهيم، وتحدث عن تجهيزه لعمل جديد مع عمرو دياب وأيضًا عمل مع ويجز سيعلن عنهما خلال الفترة القادمة، مؤكدا أن ويجز له مشروع وممكن يكون مشروع متكامل مثل عمرو دياب أو محمد منير.
قال حميد "ليه لا ميكنوش مثل الهضبة والكينج، الولد ده كويس وليه نحطمه وده جيل جديد، ومش معنى أني مش فاهمه يبقى وحش ولازم اسمعه لآن لو أنا مش فاهم كلامه الأجيال الجديدة بتسمعه، ولاد اخواتي بيسمعوه ويجز عنده حاجة".
تابع حميد في تصريحاته قائلًا: "ويجز مشروع غنائي متكامل وفنان شاب أحبه على المستوى الشخصي"، ووجه رسالة إلى ويجز يدعمه في مشواره الفني: "كمل اللي أنت عامله وأنا بحبك ولا تنساق".
أوضح حميد إن إحدى الجهات عرضت عليه المشاركة في عمل فني يجمع جيل التسعينات وجيل الآلفينيات، فوافق على الفكرة ولم يكن يعلم أن هذا التعاون سيكون مع مروان موسى، مُشيرُا إلى أنه أعجب بتفكيره عندما جلس معه، فعلى الرغم من أن مروان موسى أصغر من ابنه ولكنه شخص طيب جدًا وذكي، "عملنا حاجة في 8 ساعات، وبالنسبة للوقت تعتبر حلوة مش وحشة".
وعن رأيه في مطربي المهرجانات وهل سيلحن لـ حمو بيكا أو لا، قال: "هيجي للسكة بتاعتي، هعمله السكة بتاعتي ليه لا؟ مش هروح للسكة بتاعته، هو رايح لحميد ليه؟ عشان عايز الاستايل بتاع حميد، لو هنتكلم على الصوت فلو جبت أي حد في الكرة الأرضية غنى أغنية (مولد يا دنيا) بتاعت عبد المنعم مدبولي محدش هيغني بنفس الإحساس، وهو مش مطرب يبقى حسه حلو مش صوته حلو، الغنا مش قنبلة نووية إحنا مبنعملش اختراع أو قضية".
حقق ويجز بأغنية "البخت" نجاحًا كبيرًا وتصدرت الترند كما حققت أكثر من 139 مليون مشاهدة على يوتيوب، وطرح مؤخرًا أغنية جديدة بعنوان "أميرة" وحققت أكثر من 4 ملايين و700 ألف مشاهدة.
