بعد اتهامها بأنها عدوة الرجل، خرجت رضوى الشربيني في لقاء حواري صريح وجريء تحدثت فيه عن أنها عدوة "أشباه الرجال"، كما تطرقت في اللقاء إلى زواجها وانفصالها، مؤكدةً أنها لم تندم على زواجها.
حلّت رضوى الشربيني ضيفةً على برنامج "أنا والقناع" الذي تقدمه منى عبد الوهاب على قناة الحياة، وخلال اللقاء أكدت أنها تزوجت عن حب، وقالت: "أنا كنت ساعتها حاسة انه طبعاً حب، أنا ما قدرش أتجوز حد ما بحبوش ولكن لما كبرت أدركت انه اعجاب شديد جداً".
رضوى الشربيني "والله ما ندمت على زواجي"
"والله ما ندمت، الجواز ده أثمر عن أحلى حاجة في حياتي"، قالت رضوى وتابعت: "أنا أتوجع كل يوم علشان يبقوا عندي بناتي.. ولو عاد بيّ الزمان حتزوجه برضه".
بعد الزواج رضوى اكتشفت نفسها، وقالت: "اكتشفت نفسي.. لقيت انسان مش قابل يعيش العيشة دي.. الوجع كان كتير وقسيمة الطلاق مش وجع، القسيمة دي بتبقى النتيجة، وانا ما توجعتش علشان مسكت قسيمة الطلاق توجعت علشان أوصلها". واعتبرت بأن الطلاق في حال كان الدواء لن يؤلم المرأة، ان كانت مقتنعة بذلك.
عن سبب الطلاق الذي لم تفصح عنه سابقاً، عللت عدم التحدث عن الأسباب بالأسباب التالية: "أنا عندي بنتين بيحترموه جداً وعيب ان أنا أعمل ببناتي كده"، وسألت: "ايه الفايدة أو الميزة ان أقول أنا اطلقت ليه؟".
وأوضحت: "الحكاية لو انت لسه بتحكي فيها تبقى لسه جواكي، وأنا كل حكاياتي خلصت من جواية.. انا المرتين الي تسألت عليه، قلت كان في عشرة، ما كملتش، أسبابي يعلمها الله سبحانه وتعالى.. أبو بناتي وله كامل الاحترام".
رضوى الشربيني "أنا عدوة أشباه الرجال"
ردت رضوى على تهمة أنها عدوة الرجل، قائلةً: "أنا جيت في الدنيا بسبب راجل وأخويا راجل"، وسألت: "عدوة الرجل أو عدوة أشباه الرجال؟"، موضحةً: "الكائن الي بيضرب مراته كل يومين تلاتة علقة سخنة، ده ينفع يتقال عليه راجل؟ لاء.. الراجل الي بشغل مراته وهو قاعد مراته بالسخرة ويخليها تصرف عليه دي ينفع نقول عليه راجل؟ لاء.. الراجل الي بيعشم دي ودي بالجواز ويضحك عليهم كلهم وما يتجوزش ولا وحدة فيهم، ينفع نقول عليه راجل؟ لاء.. الراجل الي تجوز وحدة وما حصلش ما بينهم نصيب، ويبقى بجرجرها على المحاكم تروح علشان تمد ايديها تشحت حقها وتجيب قوتها وقوت ولادها.. ده اسمه راجل؟.. كل دول بالنسبة لي دول أشباه الرجال".
على الرغم من انها تبدو قوية على الشاشة ولكنها لا تنكر أنها تبكي كثيراً، قالت رضوى الشربيني: "علشان كل الناس واخديني عني صورة ان أنا المرأة الحديدية الي بلا مشاعر وبلا شعور"، وشعرت في تلك اللحظة بغصة وقد دمعت عيناها وتابعت: "بعد ما أمي توفت الحياة اختلفت خالص.. بقيت بعيط أوي.. فهمت انه كانت دايماً تقولي تعالي هنا بوسي ايدك عشان أدعيلك، كانت تقولي أنا دعوتي شايلة عنك بلاوي".
أما القناع الذي أسقطته عن وجهها فهو قناع المجاملة.. اما القناع الذي ترغب بوضعه هو قناع ابنتها تمارا، وأوضحت: "تمارا فيها كتير مني، شقية قوي، ذهنها حاضر، بتعرف تتكلم وبتعرف تتصاحب مع الناس.. وتيا الكبيرة هي الي علمتني الحياة.. تيا وتمارا هما حياتي".
