بالتزامن مع عيد الحب والأجواء الرومانسية على صفحات النجوم والمتابعين على السوشيال ميديا، أطلقت لين الحايك أغنيتها الجديدة بـ عنوان "نسّيني" على اليوتيوب.
الأغنية من كلمات أحمد ماضي، ألحان زياد برجي، توزيع ألكسندر ميساكيان، ومن إخراج ريشا سركيس.. وحصدت خلال 3 أيام حوالي 330 ألف مشاهدة عبر قناتها الخاصة على اليوتيوب.
فريق ET بالعربي رافق لين في تصوير الكليب، وتحدثنا معها في الكواليس عن الأغنية وأجواء التصوير، والنقلة المختلفة أمام الجمهور من طفلة صغيرة إلى فنانة ناضجة وقالت: "بكل تأكيد هو شيء ليس سهل، الناس تعودوا علي من عمر 11 سنة في the voice kids، والشي لعم حاول أبني أنو خلص بطلنا صغار.. بدي عرف الناس على نفسي من جديد".
وبينت أنها عملها وأغانيها ليس الهدف منه الشهرة إنما هي تعمل لأنها تحبه، وقالت: "أنا بحب هيدا الدومين وبدي ها الاحساس يوصل للناس ويحبوا الغنية متل ما أنا بحبا، وغير هيك للوصول إلا النجومية ما بيجي بين ليلة وضحاها، بدها تعب وفريق".
لين الحايك تتحدث عن تعاونها مع زياد برجي
وعن تعاونها مع زياد برجي، قالت "التعاون الأول مع زياد كان من خلال أغنية عم أكبر وبتحكي أنو كنت صغيرة وعم أنتقل لهي المرحلة، أما بهي الأغنية الموضوع مختلف تماماً، قصة حب مهضومة وهاد الشي الحلو".
أما أذا عندها حبيب وهل الأغنية موجهة إلى شخص ما، فردت لين بأغنية "ما عندي حدا"، وتابعت كل حدا بعمري أكيد رح يمرق بتجارب، هذا الموضوع بحتفظ فيه لنفسي.. وكلشي بوقتو حلو".
كما كان لنا لقاء مع المخرج ريشا سركيس، والذي تحدث عن تعاونه الأول مع لين، وعن فكرة الكليب.
كلمات أغنية نسّيني لـ لين الحايك
تقول بعض كلمات الأغنية:
نسيني, كل الدني نسيني
خليني, إسهر أنا وياك
وسنيني, يلي بقي من سنيني
ما فيي, عيشن حبيبي بلاك
ما عندي حدا, ما عندي
عنك إحكيلو
ومنك إشكيلو
قلبك دخيلو حبيبي
قلبك دخيلو
وما بدي حدا, ما بدي
غيرك يحكيني
ويتطلع فيني
انت بتكفيني حبيبي
وإنت مكفيني
