بعد معاناة طويلة خلال الشهور الماضية، من آثار عملية تجميل في وجهها، أعلنت ريهام سعيد اعتزالها لفترة مؤقتة، تبعتد فيها عن الإعلام والأضواء بشكلٍ عام، لحين استرداد عافيتها مرة أخرى.
وكتبت ريهام سعيد، عبر صفحتها على "فيسبوك": "سأختفي لمده طويلة حتى تعود ليّا روحي ونفسي وطموحاتي.. أشباه البشر كتير أوي، وأنا زهقت من لعب دور الضحية، بس أنا فعلاً بيتضحك عليّا سهل أوي، ومش عارفة أتعامل مع حد.. كله يالا نفسي.. وأنا محدش شاف منّي غير كل خير".
وأشارت إلى المعاناة التي تعيشها خلال الفترة الماضية، حيث قالت: "الفترة اللي فاتت مريت بحاجات كتيرة أوي وتعرضت للتشويه، مش بس الشكل.. السمعة كمان قبل تشويه الشكل.. 8 سنين من تشويهي عشان أقع.. حرب غريبة عشان مشتغلش في الإعلام وفي التمثيل.. من مين؟.. معرفش".
وأضافت "تعبت خلاص من الحروب غير المبررة.. الناس شريرة أوي أوي ليه؟؟؟؟.. تعبت من الغيرة والحقد.. تعبت.. أنا حبيت وأخلصت في كل حاجة عملتها في حياتي.. مش حاسة إن دي النهاية.. حاسة إني جزائي موجود وموجود في الدنيا مش بس في الآخرة".
وجاء قرار ريهام سعيد بعد أشهر من واقعة نادر صعب، وإتهامها له لتشويه وجهها، ووصول الأمر إلى ساحات القضاء من قبل نادر وريهام.
