تطور جديدة في أزمة ويجز ورامي صبري، التى تصدرت الوسط الغنائي، خلال الأيام القليلة الماضية، بعد أن قام رامي صبري بطرح مبادرة الصلح مع ويجز عبر حسابه على فيسبوك، قائلا:"ويجز اخويا الصغير وانا مسامحه وحصل خير ".
ليقوم ويجز بالرد عليه، عبر حسابه على فيسبوك، قائلا:"حصل خير يا جماعة رامي صبري ده زي ابني بالظبط وهو شطور وقمور ومجتهد أنا بس ف اللقاء كنت حاسه كدة بيجامل من ورا قلبه عشان الجمهور ميغلطهوش وفرق أجيال بقي مش بفهم حاجة منه خالص ف تلاقيني مخدتش بالي”، ليقوم بعدها بدقائق بحذف البوست.
وعاد من بعدها ويجز بتعليق عبر ستوري الإنستقرام، قائلا:"سامحتني قبل ما اعتذر.. أخلاق ملاك بجد أحرجتني بأدبك، حصل خير يا رامي، وبعدين أخوك الصغير إيه إنت عجزت، إنت لسه صغير أوي بالتوفيق يا مجتهد".
وكانت أزمة ويجز ورامي صبري، بدأت منذ استضافة رامي صبري في برنامج "حبر سري"، والذي قال حينها أنه يوجه العديد من المشاكل في فهم بعض كلمات أغاني ويجز، ولكن الفترة الأخيرة بدأ في فهم جزء منها، وأنه يرحب بعمل معه دويتو غنائي.
ليقوم ويجز بالرد عليه بفيديو جاء فيه :"هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت.. الفنان دا اسمه رامي والفنان دا كل ما بيقعد من 4 لـ 5 شهور يزهق ويطلع يتكلم على بتوع الراب في التليفزيون، هتكلم امتي على بتوع البوب اللى أنت منهم واللى في مجالك أنا شايف مبتفهمش في الراب حاجة زى ما أنت قولت قبل كدة ومش هتعرف تعمله وانت كدة مبتقدرش الفنانين وفاكر أن هما عايزين يوصلولك وهما اصلا معدينك بكتير أنت رقم 19 يا رامي أنت بعيد أوي".
