بعد إنتشار شائعات حول تعرضها لعارض صحي، كشفت ريتا حرب لـ ET بالعربي أنها بخير مُعلنةً أنها تتابع عملها بشكل طبيعي بدون أي مشاكل.
ريتا حرب تعلق على شائعات صحتها: "أنا بصحة كتير منيحة وما بني شي"
وقالت رينا لنا في تسجيل صوتي : "أنا بعدني عايشة، صحتي منيحة وواقفة على إجريّي كتّر خير الله، وعم بشتغل وعم حضر كمان لمشاريع كتيرة إن شاء الله عالسنة الجديدة".
تابعت : "مش عارفة ليش هالكم من الإشاعات لي عم تطلع بالفترة الأخيرة، مين ورا هالإشاعات، مين بدو يؤذيني بصحتي أو يؤذيني بشغلي، صراحة ما بعرف".
ثم قالت : "المضحك المبكي أنو عم يؤذي لي حولي لأنو الناس بدها تطمن، تليفوني ما هدي، تليفون عيلتي ما هدي، المكتب الإعلامي الخاص فيني، ما بعرف مين ورا هالأذية هيدي، نهار إشاعة إني توفّيت، نهار إشاعة عم بعمل عملية من بعد معاناة سنتين".
أكملت ريتا شارحة : "صحيح أنا تعرضت بأكتر من سنتين لحادث سير مُميت بس عملت عمليات كتيرة وكل الناس بتعرف وهلأ صحتي كتّر خير الله أحسن بكتير، فما بعرف ليش عم يطلّعوا هالنوع من الإشاعات المؤذية، حتى بشغلي في برنامج قسمة ونصيب، نهار فضيحة ووقفوا عرض الموسم التاني، نهار بيقولوا استبدلوني بزميلة حتى ما قدم الموسم التالت".
وأنهت ريتا رسالتها قائلة : "بحب من خلال ET بالعربي إنو وضّح هيدي الأمور كلها وطمّن الناس إنو أنا بصحة كتير منيحة وما بني شي ومستمرة بالشغل وكل هول الإشاعات ما إلهم علاقة بالصحة أبداً".
