التصويت في إستفتاء ET بالعربي لموسم رمضان 2025

فيلم شباب البومب 2 يتصدر أفلام العيد 2025 في السعودية

ايبوكي بوسات تُستبعد من مسلسل المنظمة بعد دعمها للمقاطعة

في ABtalks: نارين بيوتي تتحدث عن فارق العمر مع خطيبها

دينا تتحدث عن باسل الأسد وتعلّق على مشاهد سجن صيدنايا

راغب علامة يسخر من ترند شائعة طرد راغب علامة من الإمارات

بينار دينيز وكان يلدريم يستقبلان طفلهما الأول

وفاة فال كيلمر عن عمر يناهز 65 عاماً

مخرج “لام شمسية” يكشف سبب اختيار “اسلمي يا مصر” في النهاية

أميرة الشريف .. الجازي في مسلسل شارع الأعشى

سيف السبيعي في رسالة إلى بشار الأسد: التاريخ مش رح يسامحك

ET بالعربي | 15 ديسمبر 2024
سيف السبيعي

سيف السبيعي

رسالة قوية وقاسية وجهها سيف سبيعي يوم أمس السبت إلى الرئيس السوري السابق بشار الأسد، بعد أيام من سقوط النظام السوري ورحيله بعد فترة حُكم امتدت لعقود.

سيف السبيعي يوجّه رسالة لـ بشار الأسد: " الأفضل إنك تنتحر هالفترة"

سيف قال في فيديو شاركه عبر حسابه الخاص على إنستغرام : "مرحبا، هذه الرسالة ليست موجهة للشعب السوري، رغم إني بدّي بارك لكل الشعب السوري بخلاصنا من هالطاغية وهالعائلة وهالحزب يلي دمرو سوريا وناسها".

تابع : "هذه الرسالة لبشار الأسد شخصياً، وأنا بعرف إنو هو بيتابع فيسبوك وإنترنت وإلا ما توصلو الرسالة، وبترجاكن قد ما بتقدروا شيّروها مشان توصلّو".

وبحديثه المباشر لبشار قال سيف : "عبر كل قراءاتي لكل الناس يلي خانوا بلدهم، أنا ما شفت ولا قريت ولا سمعت عن أوسخ من هيك".

ثم أكمل : "الأفضل إنك تنتحر هالفترة، إذا كنت شجاع وبشكّ إنك تقدر تنتحر، لأنك أجبن من إنك تقدر ترتكب هيك فعل، لأنو الإنتحار بدو شجاعة".

وتابع : "لا التاريخ رح يسامحك، ولا الناس رح تسامحك، ولا حدا بالعالم رح يسامحك، وبتمنى من اولادك اذا عم يشوفوا هذا الفيديو إنو يكون عندهم الشجاعة والجرأة إنو يتبرّوا منك".

أضاف : "إنت شخص لا مكان لك في هذا العالم، اذا عيلتك خليت فيها، الله لا يوفقك، إنت عقابك سيكون في هذه الحياة، سيكون من دعاوي الأمهات لي حرمتها من أولادها، من دعاوي الزوجات لي روحتلها أزواجها، من دعاوي طائفتك يلي مسحت فيها الأرض".

كما توعّد بملاحقة الأسد حتى يجده ويدع العالم تعرف مكانه، ثم شكر متابعيه مباركاً للشعب السوري فقال :تحيا سوريا حرة مستقلة".

وتناول سيف في رسالته موضوع أخيه الراحل عامر الذي كان من معارضي الأسد واصفاً إياه بالبطل وقال: "أنا بعرف أديش رح يكون مبسوط بقبرو لما يعرف أنك هربت".

تابع :"موضوع عامر عائلي كتير وإذا إنتوا صدّقتوا إنو أنا اختلفت معو بتكونو ما فهمتوا أنا شو حكيت باللقاء، أنا قلت إنو هو لي قرّر يعمل هيك وأنا ما كان عندي حلّ تاني لأنو أبي كان بالبلد، أبي هالختبار يلي شوّهتو صورتو، الله لا يوفقك أنت وأبوك".

شاهد تقرير سابق : جمال سليمان يدافع عن نجوم سوريا بعد سقوط النظام

جمال سليمان يدافع عن نجوم سوريا بعد سقوط النظام