بعد 22 عاماً من الحضور المستمر برفقة جمال سنان، أطلت ماغي بو غصن لأول مرة مع زوجها على السجادة الحمراء ضمن فعاليات مهرجان كان السينمائي، لتخطف الأنظار بإطلالتها المميزة بفستان Royal Blue من تصميم جورج حبيقة.
ماغي بو غصن سعيدة بتجربتها الأولى على السجادة الحمراء في كان
في مقابلة خاصة مع ET بالعربي بعد الريد كاربت، قالت ماغي عن فيديو "قدام مرايتها"، الذي وثّق الأجواء والتحضيرات للحدث، والذي شاركته في الساعات الماضية عبر إنستغرام : "من دون هيدي الفايبز الحلوة ما بتكوني مرتاحة على ريد كاربت كبيرة مثل ريد كاربت كان، والـGlam تيم يلي معك ما بيعرف يشتغل معِك ويطلّعك بأحلى صورة، وأنا هيك متعوّدة".
وعن تجربة السجادة الحمراء في مهرجان كان لأول مرة، قالت ماغي : "كتير حلوة، هيدي سنة الـ22 لي بجي فيها على كان أنا وجمال لأنو هيدا الشغل تبعو، وأول مرة على ريد كاربت معو، تجربة كتير حلوة، بتعقّد كانت".
أما عن إطلالتها فقالت : "شكراً لـ جورج حبيقة على هذا الفستان الرائع، هو بيعرف شو بيلبقلي".
وعن مشاريعها القادمة قالت ماغي : "في مشروع جديد وحلو عم يتحضّر، ما بقدر إحكي عنو كتير، بس مبسوطة فيه كتير، لأنو تعبنا وصرلنا فترة عم نحضّر كل الطاقم، وان شاء الله رح يحبوه الناس".
كما أكّدت أن العمل سيكون مع كاتب جديد وهو طارق سويد، فقالت : "بحب ثقافتو، وفكرو وقلمو وشخصياتو، وبحب روحو بس يحطّها بالمسلسل، في شي كتير حقيقي وواقعي بتحسيهم، وهو ملك بهيدا المطرح".
وعن الفاشن ستايل الجديد الذي تعتمده ماغي حديثاً في إطلالاتها وخاصة الفوتوشت الأخير مع "Elle Arabia"، قالت : "الأحلى بالوقت الحالي هو إنك تطلعي تقريباً بلا مايك آب، الشَعر بسيط، اللبس شوي غير لتطلعي بشكل جديد، وهيدا كان قرار الـGlam تيم، وحبّيت هيدا الشي الجديد لي عم بدخل فيه".
ماغي كانت شاركت في الساعات الماضية فيديو طريف من تحضيراتها للمشاركة في مهرجان كان، ظهرت فيه وهي ترقص مع فريق العمل على أنغام أغنية "قدام مرايتها" لـ عمرو دياب، ليُلاقي المقطع تفاعلاً كبيراً من متابعيها على السوشيال ميديا.
