في حديث لـ بسمة بوسيل عن الأزمة الصحية التي مرّ بها ابنها آدم، كشفت لـ ET بالعربي تفاصيل الوضع الصعب الذي واجهوه مؤخرًا، مؤكدة أن التشخيص كان معقّدًا والحالة تطورت بشكل مفاجئ، ما زاد من صعوبة التعامل مع المرض.
تفاصيل الأزمة الصحية لابن تامر حسني و بسمة بوسيل آدم
و قالت بسمة في حديثها:"الذي حصل كان جديد علينا كلنا، حتى الأطباء كانوا متوقعين أن الموضوع له علاقة بالأكل، لكن للأسف كانت الزائدة الدودية هي السبب. تامر حسني وقتها نصح الناس بالحذر لأن التهاب الزائدة يمكن يكون خادعًا جدًا، خصوصًا عند الأطفال، وتشخيصه صعب، وإذا انفجرت تسبب مشاكل كبيرة."
وأوضحت بسمة أن الأعراض لم تكن واضحة في البداية: "آدم تعب فجأة وكانت الأعراض مش واضحة، ما كناش عارفين هل ده تسمم أو مشكلة في البطن. للأسف الزايدة انفجرت، وده سبب مشاكل كبيرة زي التصاقات في الأمعاء، وبعضها بيحتاج تدخل جراحي ثاني."
تطور حالة آدم الصحية بعد العمليات الجراحية
وأضافت أن الجراحة الأولى كانت لتنظيف الصديد، لكن الحالة تطلبت جراحة إضافية بعد 48 ساعة:
"الأطباء كانوا مستنيين استجابة من الجسم، بس للأسف ما حصلتش، واضطروا لفك الالتصاقات يدويًا. كانت فترة صعبة جدًا علينا، لكن الحمد لله آدم بيتحسن دلوقتي."
أما عن الحالة الصحية الحالية لابنها، فأشارت بسمة: "لسه فاضل حوالي 10 أيام بعد آخر عملية عشان يقدر يتواصل مع الناس، مناعته ضعيفة حاليًا. لكنه خرج من المستشفى وبياكل وبيتحرك، والتحسن واضح حتى لو بكميات قليلة."
رد فعل بسمة بوسيل على دعم الجمهور في الأزمة
وختمت بسمة كلامها بالتعبير عن امتنانها الكبير للدعم الجماهيري:
"حسيت قد إيه الشهرة ممكن تكون نعمة، خاصة في الأوقات الصعبة. الناس وقفت جنبنا بكلامها وحنانها سواء من يعرفونا أو ما يعرفوناش. حسيت إني مش لوحدي، ويا رب ما يشوف حد حاجة زي دي في ولاده أو نفسه."
