فترة غياب طويلة لم تمنع ماسة الجمال من العودة للشاشة، لكنها كانت خطوة محسوبة. بعد أن عرفناها بشخصية هدية في باب الحارة، ها هي اليوم تعود لتستعيد شغفها بالتمثيل في مسلسل المقعد الأخير.
بعد غياب طويل.. ماسة الجمال تعود في مسلسل "المقعد الأخير" وهذا ما كشفته لـ ET بالعربي
وخلال لقائها مع ET بالعربي تحدثت ماسة الجمال عن سبب غيابها: "أنا غبت فترة كثير كبيره لأنه ما كان يجيني أدوار أقدر أخد فيها مساحة. دايمًا الدور هو نفسه، عم أعيد نفسي." وأضافت: "كنت من جوة بعرف حالي أني ممثلة وعندي شغف بهذا المجال، بس ما كان في فرصة."
وتابعت: "فقلت ما بدي ظلني عم باخذ أشياء صغيرة وما أخد فيها مساحتي. حاوقف روح، بعد بس يجي فرصة حارجع."
ورغم نشاطها الكبير على السوشال ميديا من خلال الفيديوهات، إلا أن العودة أمام كاميرا المخرج لم تكن سهلة بالبداية، حيث أكدت: "أول يوم أنا اجيت على السيت شفت المدرسة قبل بنهار مشان أعرف الجو وشوف أخد على الموضوع، طلعت قلت أنا خايفة. أنا عن جد خايفة بعد زمان، وما بعرف وان شاء الله ما يكون أول مشهد لي."
لكن كل هذا القلق تبدد عندما بدأت العد التنازلي للمشهد الخاص بها. "بس لا، فتت فتت بقوة فجأة لحالها. خمسة، أربعة، اثنين…" وتابعت: "دايمًا عندي الاثنين بتختفي عندي، كل حياتي بتروح وبصير أنا بشخصية ثانية. لهيك أنا بحبه، لهيك هذا شغفي. بتعيشي أكثر من شخصية بحياتك، وهو شيء كثير حلو."
