خرج محمد عبد الوهاب شقيق شيرين عن صمته، للرد على ما تم تداوله خلال الساعات الماضية من أنباء تزعم تعدّيه عليها داخل منزلها، مؤكدًا أن تلك الروايات لا أساس لها من الصحة، وواصفًا ما يُنشر بأنه محاولات متعمدة لتشويه سمعته وبث الأكاذيب.
محمد عبد الوهاب لأخته شيرين : "ورحمة ابويا لا هقلب عليكم البلد كلها"
وفي رده الأخير على الإتهامات، كتب محمد في الساعات الماضية عبر حسابه الخاص على فيسبوك : "وحق كتاب اللّه الكلام ده بالحرف حصل وربنا شاهد .. من حوالي شهر اتصالحنا وكان عندها ميتنج مع شركة عايزة تمضي معاها وكنا عند موزع شهير مش حابب اذكر اسماء حد، بس هو موجو واحنا في الميتنج واحد كده معرفوش قالي عايز رقم حضرتك ده تبع المحامي قالي اصل المدام كلمت الاستاذ واحنا داخلين وقالتله بالحرف كده، خرج اخويا من القضية ماحنا اتصالحنا بقي".
تابع : "والله الكلمة كانها قلم نزل علي وشي خرج اخويا يعني انا مش مدان ولا تربحت ومضيت عقد من وراكي لا، ده انتي بتدخليني وتخرجيني حسب مزاجك بقي، ورحمة ابويا لا هقلب عليكم البلد كلها وانا بقي عندي اثبات بكل كلمه بحق ربنا مش زور زيك انتي ومحاميكي، البلد فيها قانون حسبي اللّه ونعم الوكيل".
وكان شقيق شيرين عبد الوهاب قد نشر رسالة عبر خاصية "ستوري" على فيسبوك، نفى خلالها الواقعة بشكل قاطع، مشيرًا إلى أن ما حدث كان عكس ما يتم تداوله، وكتب نصًا:"كذب وافتراء ورحمة أبويا الناس اللي جت البيت وعملت رعب لـ أمك وأختك ورحمة أبويا في قبره ما هتعدي".
ولم يكتفِ بذلك، بل واصل هجومه من خلال منشور آخر، شنّ فيه انتقادات حادة، متهمًا الطرف الآخر باختلاق الوقائع وترويج الأكاذيب، وجاء نص ما كتبه:"مانتي متعودة على رمي البلا والافترى، عيشتك كلها زور في زور وصدقيني الشغل الشمال بتاعك انتي وانتوش ده".
وأضاف:" مش هيطفي نارك كل ده عشان خسرتي القضية اللي انتي بردو رفعاها زور وربنا شاهد وعالم بس البلد فيها قانون فوق راسك انتي و انتوش".
