يارا السكري اختارت أن تضع النقاط على الحروف، وتوضح عبر ET بالعربي حقيقة ما تردد خلال الفترة الماضية حول ارتباطها عاطفيًا بـ أحمد العوضي، بعد موجة من التعليقات والتكهنات على مواقع التواصل الاجتماعي.
يارا السكري :"الإشاعة دي مش جديدة… وبتتكرر للسنة التانية"
عن سؤالنا المباشر حول الشائعات، قالت يارا بصراحة لافتة: "بصي هو دي مش حاجة جديدة، دي حاجة بتتكرر للسنة التانية، بس السنة دي يمكن زادت شوية."
عن علاقتها بـ أحمد العوضي : "بقينا أصدقاء أكتر… وفي اندماج أكبر"
يارا ربطت تصاعد الشائعات بطبيعة علاقتها المهنية والإنسانية مع أحمد العوضي، موضحة: "أنا وعوض يعني دي تاني سنة بنشتغل مع بعض، فبقينا أصدقاء أكتر، بقينا في اندماج أكتر."
"بنحب نهزر مع بعض.. والناس بتحب العلاقة دي"
وعن التفاعل المتبادل بينهما عبر السوشيال ميديا، أضافت: "يمكن الناس قالت كده علشان شافوا بعض التعليقات عندي وعنده، إحنا بنحب نهزر مع بعض دايمًا، وعلاقتنا حلوة، والناس بتحب العلاقة دي."
"هو سنجل وأنا سنجل والناس بتتمنى"
يارا شرحت أيضًا كيف أن محبة الجمهور للعوضي ولها لعبت دورًا في تضخيم التكهنات: "الناس بتحب أحمد، وفي ناس بتحبني على حبهم ليه اللي هو جمهوره، وفي ناس بيتمنوا إن أحمد يتجوز، فاهمة؟
فـ أنا سنجل وهو سنجل، فعشان كده هم بيتمنوا يشوفوه عريس وناس يتمنوا يشوفوني عروسة."
"يارا السكري سنجل.. والله لحد دلوقتي"
وعند سؤالنا الصريح مرة أخرى، كان ردها حاسمًا: "يارا السكري سنجل، سنجل والله لحد دلوقتي. أنا ما كنتش سنجل، بس دلوقتي بقيت سنجل."
