ناصيف زيتون خصّ ET بالعربي بلقاء حصري على هامش مشاركته في Stars on Board، تحدث فيه للمرة الأولى عن اللحظات الأولى بعد ولادة ابنه الياس، وكيف غيّرت هذه التجربة نظرته للحياة… وحتى لشجاعته.
ناصيف زيتون في لقاء حصري مع ET بالعربي يكشف فيه عن اللحظات الأولى التي عاشها بعد ولادة ابنه الياس
"ما بعرف أوصف الشعور.. نعمة وبركة"
عن اللحظات الأولى بعد الولادة، قال ناصيف لمراسل ET بالعربي ايلي نخلة بصراحة وعفوية: "كانوا يقولوا دائما انه الشعور لا يوصف ودائما كنت بس اسمع الحديث من حدا الله هيك طعمه وكرمه بمولود جديد اقول انه ليك اللي ما بيعرف اللي ما بمر فيها ما بحسها… بس اللي بيقدر لك عنه انه ايه ما بعرف اوصفو للشعور مبسوط مرتاح مكيف نعمه بركه اهم شيء انه صحته بخير هو وامه يعني خلصنا من العمليه كلها المشروع اذا بدك كان بخير والحمد لله بصحه وعافيه يا رب الحمد لله انا ممنون ممنون لله وللدنيا وللحياه كلها حطتني بمحل جميل جدا".
"بطلت شجاع"
وعن اللحظة التي شعر فيها بالـ"لينك" السريع بينه وبين ابنه، اعترف: "اي صراحه دغري كنت شجاع يعني اذا بقدر اذا بقدر هيك بقعد… بقول انه كنت شجاع بطلت شجاع صراحه ايه".
وأضاف موضحاً التحول الذي حصل داخله: "ايه والله يعني صرت خاف على حالي اكثر خاف على صحتنا اكثر ل لاكون معه… ليك الولد بحسسك بالضعف يعني انه اوكي بقوي وعائله حلوه وهذا بلشت بارت جديد بحياتي انا بس بصير واحد هيك عنده خوف انه يغيب… بخاف يصير لي شيء لانه صار عندي مسؤوليه كبيره خايف عليه حابب اكون معه حابب اشوفه عم يكبر".
"صرت احسب 100 حساب.. بطريقة حلوة"
تجربة الأبوة لم تغيّر فقط مشاعره، بل حتى سلوكياته اليومية: "لازم يكون موجود قبل ما كنت تفرق معي هلا صرت خاف من الطياره اكثر خاف من بعد خاف من الشغل يعني صرت حذر اكثر ايه ما بعرف كنت شجاع قبل كنت احس حالي انه مش فارق معي شيء هلا لا صراحه لا صار هيك احسب 100 حساب بطريقه حلوه مش بطريقه بشعه وسئيلة لا".
حتى هاتفه تغيّر محتواه، كما كشف مبتسماً: "والله فرقت فرقت كثير ليك سبحانك يا الله والله كان تليفوني كله صور شغلي وحفلات و هلا صار تلفوني له… بالاخر روحه الواحد حياته كلها متجسده بهالشيء ف الله يخلي اولاد العالم كلها".
"بعمل شيء بدافع الحب"
أما عن موضوع السوشال ميديا وخصوصية الياس، فأكد أن القرار لم يُحسم بعد: "ما حكينا بتصدق ما صار لنا… ما كفى الشهر الياس لنحكي فيها انا والاداره العليا".
وتابع: "والله ليك الواحد اذا بيعمل شيء لانه مبسوط بالشيء اللي عنده واذا بخبيه كمان بكون مبسوط وخايف كل شيء رح نعمله بدافع الحب من قلبي يعني انا". وعن خصوصيته بطبعه، ختم قائلاً: "اكيد لا انا اصلا ما كثير باب البيت ما بحب ينفتح كثير انا كنصيف".
