علّقت رضوى الشربيني على الجدل الدائر كل عام حول تصدر المسلسلات قائمة “الأعلى مشاهدة” خلال موسم رمضان 2026 ، مؤكدة أن الأرقام ليست المعيار الحقيقي للحكم على نجاح أي عمل فني.
وخلال لقائها مع ET بالعربي، قالت رضوى الشربيني إنها في الأساس لا تتابع المسلسلات خلال شهر رمضان ، موضحة:“أنا عمري ما اتفرجت على مسلسلات في رمضان، أنا بتفرج على المسلسلات بعد رمضان، عشان هو شهر واحد ربنا يكرمنا فيه إن شاء الله”.
وأضافت موجهة رسالة لصناع الدراما المشاركين في السباق الرمضاني:“بقول لكل الناس اللي عندها مسلسلات في رمضان مبروك، وإن شاء الله كلكم تكسروا الدنيا، وكل اللي سعى إنه ينجح إن شاء الله ينجح”.
وتابعت حديثها عن الجدل المرتبط بترتيب الأعمال من حيث المشاهدة، قائلة إن مواقع التواصل الاجتماعي أصبحت مليئة بإعلانات الصدارة، مضيفة: “عندنا بس مشكلة إن كل ما نفتح السوشيال ميديا نلاقي كل الناس بتكتب إنها رقم واحد، فمش عارفين لو كل الناس رقم واحد مين رقم اتنين”.
واختتمت رضوى الشربيني تصريحاتها بالتأكيد على أن النجاح الحقيقي لأي عمل فني لا يقاس بالأرقام أو الترتيب، موضحة: “مش مهم مين يكون رقم واحد ومين رقم اتنين ومين رقم تلاتة، المهم إن العمل يبقى جيد وإن البطل أو البطلة يكونوا راضيين عن نفسهم فيه. الأرقام دي بتاعت ربنا، أنا النهاردة ممكن أبقى رقم واحد وبعد شوية أبقى رقم عشرة وبعد شوية أكون رقم مية.. مش مين رقم واحد، المهم إحنا بنعمل إيه”.
