على هامش فعالية YSL Beauty في دبي، التقى ET بالعربي مع كل من لين برنجكجي ومعتصم النهار، حيث دار الحديث عن شخصية رستم في مسلسل لوبي الغرام. لكن المفاجأة كانت القصة الطريفة المرتبطة بالببغاء الذي يرافق الشخصية في العمل.
لين برنجكجي تكشف قصة "ببغاء رستم" في لوبي الغرام: "كان رح يصير مشكل بالبيت"
في البداية، سأل إيلي نخلة مراسل ET بالعربي لين عن “رستم” في المنزل، لتجيب ضاحكة: "رستم هو والببغاء… انت ما بتعرف إنه نحنا من ورا الببغاء صارت قضية بالبيت. الببغائي اللي معه صار رفيقه، فهو قرر إنه ما ينفصل عنه. نحنا قررنا إنه هو بده ينضم للعائلة، فصارت مصايب بالبيت لحتى إنه ما فيه يجي يعني".
وعند سؤالها إن كان الببغاء موجوداً حالياً في المنزل، ردّت مباشرة: "لا". بينما علّق معتصم النهار مازحاً: "حاولنا حاولنا… ما مشي الحال".
إشادة بأداء معتصم النهار في لوبي الغرام
أما عن شخصية رستم في المسلسل، فأكدت لين أنها معجبة كثيراً بالدور، قائلة: "كثير حاببتها، كثير مبسوطة فيها. وكثير كنت عم قول له لمعتصم إنه غير إني أنا فخورة ومبسوطة له ولنجاحه، عم قول له إنه سنة عن سنة عم بيفرق. يعني عم بشوف إنه عم يستخدم تكنيكات جديدة ما كانت موجودة، فأنا كثير مبسوطة يعني. مو بس كزوجي وبنجاح المسلسل، بأدائه كمان".
