حالة من الجدل أثارتها صابرين مساء أمس بعدما قامت بنشر صورها على الانستغرام بدون حجاب، فهاجمها البعض على خلعها للحجاب ودافع عنها البعض واصفا ذلك بأنها حرية شخصية، ودعمها عدد من الفنانين من خلال عدد من التعليقات على الصور التي نشرتها ومن بينهم منى زكي وزينة وروجينا ونشوى مصطفى ووفاء عامر وورانيا يوسف وحنان مطاوع وغيرهم، فكتبت منى زكي:"دائما طفلة رائعة وأحبك"، وكتبت زينة::"جميلة دائما"، وعلقت نشوى مصطفى قائلة:"قمر ياصابرين تبارك الله زي ماانتى بالظبط ايام دورك فى ابو العلا البشرى البنوتة الجميلة الطيوبة".
وبعد الهجوم الذي تعرضت له صابرين، دافعت عن نفسها مع عمرو أديب من خلال مداخلة هاتفية ببرنامجه "الحكاية" قالت بها أنها لم تكن محجبة وأنها كانت محتشمة فقط وقالت ذلك من قبل في عدد من البرامج، وأن كل ما فعلته أنها خلعت التربونة ولكنها مستاءة من ردود الفعل والهجوم الزائد فقالت:"أنا قلعت التربونة وفيه فرق إني قلعت الحجاب وإني قلعت التربونة"، مضيفة: "الحجاب أنا مكنتش عملاه وأنا طلعت معاك وطلعت مع الإبراشي ومع كل البرامج وقولت أنا يا جماعة محتشمة، وأنا من يوم ما لبست الباروكة وأنا قلعت الحجاب وأنا دايمًا بقول إني بعمل خطوة وأنا عاملة خطوة بسيطة يمكن تٌقبل ويمكن أكون بعمل حاجة كويسة وقعدت فترة كبيرة كل لما أعمل عمل يسيبوا العمل ويتكلموا عن الباروكة وقعدت أطلع في برنامج ويسيبوا كل تاريخي ويتكلموا عن الباروكة وعلى طول شتايم وسب والسوشيال ميديا تعبتني نفسيا، وأنا طول عمري بعمل أدوار محترمة ومربية أولادي تربية محترمة وأنا عمر ما حد اتكلم عني نص كلمة وبقيت بلبس باروكة وإيه اللي عملته غلط في حياتي عشان أتشتم كل شوية وإيه ذنب أولادي إنهم يتشتموا كل شوية ويتسبوا بيا من ناس مش عندهم دين ولا أخلاق".
و وجهت صابرين رسالة لمهاجميها قائلة:"بيشتموني وأنا كرهت الناس دي ودي حاجة بيني وبين ربنا ولما أنزل القبر لوحدي محدش هيحاسبني غير اللي خلقني وربنا اللي هيحاسبني وليه محسسني إن ربنا هيمسكنا عشان حتت طرحة ده ربنا رحمن رحيم، هو حد شافني وأنا بصلي ولا وأنا بصوم ولا بزكي ولا براعي الأيتام ولا بطلع لله وأنا مبحبش أقول الحاجات دي خالص ولا بجبر خاطر مين".
