في لقاء خاص مع ET بالعربي، جلست ياسمين صبري مع ايلي نخلة في مهرجان كان لتتحدث بصراحة وشفافية عن حياتها الخاصة، والنجاح الذي حققته بعد سنوات طويلة من العمل، والتأثير الذي تتركه على السيدات الشابات اللواتي يسعين لبناء حياة مستقلة وقوية.
"أستحق الأفضل".. ياسمين صبري تضع النقاط على الحروف وترد على فضول البعض حول حياتها الخاصة في حوار مع ET بالعربي من Cannes
اللون الأحمر والفضول حول حياتها الخاصة
بدأ اللقاء بطريقة خفيفة، حيث سئلت ياسمين: "شكلك بتحبي اللون الأحمر؟" فأجابت ببساطة: "بحبه." وعندما سألناها عن سبب تعلقها بهذا اللون، ردّت مازحة: "لأ الأحمر برده خلي بالك، مش عايزين نخش في الحاجات دي."
وعن فضول البعض وسلوكيات الحشرية تجاهها، قالت: "براحتهم بقى اختيارهم في الحياة، عارف في النهاية أنا ماشية في طريقي ومبسوطة بيه، وهو الشخص ده اختار إنه يتعب نفسه ويفكر في حد تاني، اختيار خاطئ طبعاً من وجهة نظري." وأكملت بابتسامة: "أبداً براحتكم الحياة اختيارات وأتمنى تختاروا الأفضل ليكم."
وبالنسبة للشائعات والمتابعة الدقيقة لحياتها، ردّت ياسمين: "أنا لا! أنت جايب دي منين؟ اوكي فهمت دا طبيعي".
النجاح لم يأتِ بسهولة: "Don’t let them see you sweat"
وتطرقت ياسمين عن الصعوبة الحقيقية وراء النجومية، قائلة: "اليوم اللي بيشوفك على السوشال ميديا يمكن ما بيعرف هيديه الخلطة اللي اشتغلتي عليها وبيفكر إنه هذا الشيء أجا هيك بسهل… لا دي سذاجة." وأكملت: "كل اللي عملته إني ساعدت إني أحافظ على نفسي، أحافظ على عقلي على روحي وعلى قلبي وعلى جسدي وعلى كل حاجة فيا بحيث أقدر أكون أستاهل الاستحقاق."
وذكّرت المتابعين بمقولة شهيرة: "Don’t let them see you sweat - لا تدعهم يرون تعبك"، مؤكدة أن النجاح يحتاج الصبر والعمل المستمر، وليس مجرد الحظ أو المظهر الخارجي.
الحظ والعمل: "الدنيا حظوظ"
حول فكرة الحظ والفرص، قالت: "مظبوط، يمكن الدنيا حظوظ، بس الحظوظ في حاجات كتير قوي، وحسب كل واحد شايف حظه إزاي أو نظرته للحياة… يعني في حد لابس نظارة إنه أنا محظوظ فالحاجة البسيطة اللي بتجي له اللي جنبه شايفها عادي، هو شايفها أنا محظوظ جداً بيها." وأضافت: "وفي الآخر الحياة بسيطة جداً، مش محتاجة الإنسان يتعب نفسه قوي كده، ولو في بنت بتشوف حد ناجح على التلفزيون أو السوشيال ميديا، إحنا برضو مش بنظهر التعب، أو أنا شخصياً بعمل كده."
التأثير على السيدات: "أنا شهادتي مجروحة بنفسي"
كما تطرّق الحوار إلى تأثير ياسمين على السيدات الشابات والمستقلات، حيث سئلت: "وأنتِ اليوم كمان ياسمين عندك تأثير على الصبايا الجداد… والصبايا يلي هلق مبلشين حياتهن. وحتى السيدات يلي تزوجوا إنو لازم يكونوا مستقلين ولازم يكونوا قوايا."
ردّت ياسمين متفاجئة: "فعلاً حقيقي أنا ده تأثيري؟" وأضافت بابتسامة خجولة: "ماعرفش. أنا شهادتي مجروحة بنفسي." وعندما سألوها إن كان الناس يشيدون بهذا التأثير مباشرة، قالت: "لأ هو كله بفضل الله أنا ما عملت أي حاجة… أنا استحقاقي عالي."
وأوضحت أن شعار "أنا أستحق" من لوريال باريس L’Oréal Paris هو جزء أساسي من شخصيتها وروحها، مؤكدة: "أنا فعلاً أستحق… أستحق الأفضل، الأحسن، الأجمل… أستحق كل حاجة، فده عندي من زمان، لكن ما كنتش عارفة هكون فين وإزاي."
مشاركة مع لوريال باريس ومهرجان كان: "كل سنة بعرفهم أكتر وبنفهم بعض أكتر"
عن مشاركتها مع لوريال باريس في مهرجان كان السينمائي للسنة الثانية على التوالي، قالت: "السنة دي أحلى. أنا مبسوطة جداً أنا مع لوريال باريس لتاني سنة. كل سنة بعرفهم أكتر وبنفهم بعض أكتر، علاقتنا بتبقى أفضل، حتى الكونتنت يلي صوارناه ألذ و… قريب مني أكتر الناس بتحبه أكتر."
وعن حملتها السابقة التي ركزت على المرأة، قالت: "الست المصرية والعربية كانت نقطة مهمة جداً لدرجة إنه الإمارات غيرت في وصف البطاقة الإماراتية للسيدة، إنها مربية أجيال من ست بيت أو ربة منزل، دي حاجة مهمة قوي خاصة معنوية. ساعات الست تحس إن كونها ربة منزل عار، مع إن دي أصعب شغلانة في الحياة، لأنها بتربي جيل من الرجال والستات، وده يؤثر على الأجيال القادمة… يعني "chain" كبيرة قوي بتبتدي من الست، فلازم تبقى مدركة كويس جداً حجمها."
