تحدثت لميس الحديدي عن تجربتها الجديدة في عالم البودكاست، كاشفة عن الجانب المختلف الذي تحاول إظهاره للجمهور بعيدًا عن أجواء الأخبار والإعلام.
لميس الحديدي: البودكاست بيطلع شكل مني مكنش باين
وخلال لقائها مع ET بالعربي، أوضحت لميس أن البودكاست منحها مساحة لتقديم نفسها بشكل مختلف، قائلة: "البودكاست اللي بعمله دلوقتي بيديني شكل مختلف وحالة مختلفة، بيطلع شكل مني مكنش باين، بس هو نفس التركيز، أنا طول عمري مركزة في الشغل كويس أوي، وحب الناس ودعمهم ليا مهم".
لميس الحديدي: الناس كانت عايزة تشوف لميس فاكه شوية
وأشارت لميس إلى أنها قدمت حتى الآن 3 حلقات من البودكاست، موضحة أن الجمهور كان يرغب في رؤيتها بعيدًا عن الصورة المعتادة لها كمقدمة برامج أخبار.
وقالت: "أعتقد الناس كانت عايزة تشوف لميس فاكه شوية مش بتاعة الأخبار، فده بيخلي الحوارات أحسن وأسهل".
لميس الحديدي: بحاول أفك شوية في البودكاست
كما تحدثت عن طبيعة أسلوبها في التقديم، موضحة أنها تحرص دائمًا على استخدام اللغة العربية السليمة، لكنها تحاول في البودكاست أن تكون أكثر تلقائية وتلقّيًا مع ضيوفها.
وأضافت: "حتى لغتي العربية سليمة ودايمًا بسأل بيها، ولما بتكلم دايمًا بتكلم بيها لأن هكذا المذيع لازم يتكلم، لكن في البودكاست بحاول أفك شوية، يمكن ده اللي فرق مع الناس".
لميس الحديدي تكشف عن دور الرياضة في حياتها
وتطرقت لميس أيضًا إلى روتينها اليومي، مؤكدة أن ممارسة الرياضة والاستمرار في العمل والتركيز فيه يمنحها طاقة ويساعدها على الحفاظ على نشاطها.
