"فنانة شاملة، شو ما عملت بتعمله بلمسة فنية".. هكذا عبّرت ديمة قندلفت عن إعجابها بموهبة أمل عرفة، مهنئةً إياها على أغنيتها الجديدة، ومؤكدةً محبتها لصوتها، إذ قالت: "أمل صوتها صوت جميل جدًا، كل الناس بتحب صوتها، بعتقد، وأنا كثير بحب صوتها، وحبيت إنه هي عم تعمل شيء بهذا المجال لأنه بيلبق لها بصراحة، وبيلبق لها تغني". وأضافت: "وبقول لها ألف مبروك كمان على الأغنية، وبدنا بعد وناطرين".
ديمة قندلفت عن التجارب الفنية: لكل فنان مساحته الخاصة للتعبير عن نفسه
وعن التجارب الفنية والتعبير عن الذات، أكدت ديمة قندلفت أن استغلال الفنان للمساحات المتاحة أمامه لتجربة أفكار جديدة واستخدام صوته وإمكانياته يفتح المجال أمام تجارب مميزة، موضحةً: "يعني إذا واحد بلاقي عنده مساحة معينة حابب يلعب فيها، يعمل فيها شيء أو يعبر فيها عن نفسه، ليش لا؟ تحديدًا بتكون هيك تجارب مميزة، يعني نحن ما عم نساوي بالأخير، ما عم ننتقل من مكان لآخر، نحن عم نلعب بنفس المساحة، ألف وواحد عم يستخدم صوته وإمكانياته بمكان حلو ولائق، وليش لا".
أما عن مشاريعها القادمة، فكشفت ديمة قندلفت خلال لقاء مع ET بالعربي، أجرته الزميلة ندى عقيقي، عن فكرة فنية لا تزال تدور في بالها، قائلةً: "لا ما في شيء، في شيء ببالي عن جد بعده ببالي، والله ما بعرف، بتقرا الأفكار؟ في هدول عرفتوا اللي بحطوا الورقة على الجبين، عرفتوا؟.. بس في شي عم فكر بشي". وردًا على سؤال ندى، وعدت ديمة بأن يكون ET بالعربي أول من يرافقها في الاستديو، مضيفةً: "هذا وعد، ومين غيركم".
