تحدث محمد فؤاد عن الجدل المثار حول اسمه وعزيز الشافعي، بعد تداول تصريحات منسوبة إليه بشأن الأخير، مؤكدًا رفضه لنشر أخبار أو تصريحات غير صحيحة على لسانه عبر مواقع التواصل الاجتماعي.
وقال محمد فؤاد لـ ET بالعربي، على هامش حفل نجوم التسعينات بمهرجان الفسطاط: "عزيز الشافعي اللي لسه كان معايا، هو مين اللي قال إني عزيز؟ مين قال ده؟ إحنا يعني عندنا ديريكشن نسوق نفسنا إحنا كمان، حرام اللي بيحصل في السوشيال ميديا، بتحطوا كلام على لسان الناس، حرام والله، دي كارثة".
محمد فؤاد يكشف تفاصيل مشاريعه الفنية الجديدة
وعن أعماله المقبلة، كشف محمد فؤاد عن وجود مشروعين فنيين جاهزين، يجري المفاضلة بينهما لاختيار العمل الذي سيعود به إلى جمهوره، موضحًا: "عندنا مشروعين محتارين مين فيهم اللي يتقدم دلوقتي، الاتنين جاهزين والاتنين على وشك إن إحنا نختار منهم واحد، هو ده اللي هنرجع بيه إن شاء الله، قلب في نيويورك ده حاجة، واثنين فراعنة ده حاجة، هما دول اللي جاهزين دلوقتي".
محمد فؤاد: مش هننزل غير اللي يليق بجمهورنا
كما تحدث عن خطة طرح أغانيه الجديدة، مشيرًا إلى أن عدد الأغاني التي ستصدر لم يُحسم بعد، سواء كانت 8 أو 10 أو 12 أغنية، مؤكدًا حرصه على تقديم أعمال تليق بجمهوره.
وأضاف: "والله هتنزل مجموعة أغاني، يطلعوا 10 أو 12 أو 8 أغاني، مش هننزل غير اللي يليق بيكم، واللي نبقى حاسين إنه ده هو اللي إحنا بنقدمه، وإحنا بمسؤوليتنا ومطمنين إنه ينجح إن شاء الله".
