دينا الشربيني تكشف حقيقة خضوعها لعمليات تجميل

حديث عفوي مع دينا الشربيني باستضافة منى الشاذلي في برنامج معكم على قناة cbc، حيث تطرقت الحلقة للعديد من الأمور ومن بينها الحديث عن إصابتها بكورونا ، عمليات التجميل، التعليقات على إطلالتها في مهرجان الجونة 2018، بالإضافة إلى أعمالها الجديدة.

دينا الشربيني: عمركم ما هتشوفوني "فريق عمل" تاني

بسؤالها عن ما تعلمته من تجاربها السابقة، أوضحت أنها تعلمت ألا تحكم على حياة الأشخاص من الخارج، قائلة: "اتعلمت إن ممكن ابقي شايفة حد من برا إن حياته بشكل ما لكنها في الحقيقة بشكل تاني.. يعني ممكن تبقي شايفة حاجة من برا بس عمرك ما هتبقي عارفه ايه اللي جوا .. لذلك لا تحكم ولا تتكلم في الموضوع أصلا لان عمرك ما هتعرف ايه اللي بيحصل".

أضافت: "اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلمي منها حاجة".

من جانبها، قاطعتها منى الشاذلي قائلة: "يعني اتعلمتي إن مينزلكيش صورة مكتوب عليها فريق العمل؟" لتجيب دينا الشربيني ضاحكة: "ده أكيد.. والله ما هتشوفوني فريق عمل في حياتي.. هيبقي في عمل بس".

وتابعت: "فضلت فترة بيتقال (فريق العمل راح وجه)، بس أنا مش من النوع اللي بيدور كتير على السوشيال ميديا فمكنتش بقرأ كل الكلام ده، وكمان عمري ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس".

وفي سؤالها عن خلافها مع المخرجة كاملة أبوذكري في مسلسل زي الشمس، أوضحت أن الأمر كان مجرد سوء تفاهم وعندما التقيا في الجونة وضحت الأمور وتابعت أنها تمنت العمل معها : " بتمنى أشتغل معاها وبموت في كل أعمالها، أنا كنت أكتر حد متضايق من اللي حصل لأن كل حد كان جاي المسلسل عشان أستاذة كاملة مش عشاني".

دينا نفت في حديثها خضوعها لعمليات التجميل لخوفها منها، إنما ما تقوم به هو أشياء بسيطة مثل البوتوكس والفيلر،

انتقادات إطلالة دينا الشربيني في الجونة

 وردت دينا الشربيني في حديثها على الانتقادات والتعليقات التي وجهت إليها خلال ظهورها في حفل افتتاح مهرجان الجونة 2018 مشيرةً إلى أنها بالفعل لم تكن راضية عن شكلها "شكلي كان وحش" ولكن هذا لا يعني التجريح في التعليقات :

"تأثرت من التريقة عليا في مهرجان الجونة، بس في نفس الوقت عمرك ما هتعرفي تحكمي الناس تقول اي ومتقولش ايه وأنا بعترف إن شكلي كان وحش، بس انك تتنمر على شكل حد ده مش صح واوقات كتير بتبقى شايف الحاجة من برة بس ما تعرفش من جوه عاملة ازاي”.

إصابة دينا الشربيني بكورونا

أما عن إصابتها بفيروس كورونا ، فقد أصيبت به حوالي 5 مرات حيث بدأت إصابتها عندما كانت تصور مسلسل "لعبة النسيان" وبعدها أصيبت مرتين أثناء تصوير مسلسل "المشوار" مع محمد رمضان معلقّة: "الكورونا بتموت فيا وجسمى بيستهبل وكل مرة بيضعف عن المرة اللي قبلها".