فاجئ ماندو العدل متابعيه على السوشيال ميديا بنشر صورة مع عمر كمال معلنًا عن انضمامه لمسلسل "بين السماء والأرض" مع هاني سلامة المقرر عرضه برمضان المقبل وكتب هاني: "عمر كمال ممثل لاول مرة بين السما و الارض رمضان ٢٠٢١ ان شاء الله ياكريم يارب"، لكن سرعان ما تسبب البوست بجدل ولاقى ماندو هجوم من قبل متابعيه.
ورد ماندو على التعليقات وعلى أشرف زكي نقيب المهن التمثيلية قائلا:" تواصل معايا د. اشرف زكي و بيقولي ان عمر كمال عنده مشكلة انه مش نقابي و انا كنت فاهم انه مقيد في نقابة الموسيقيين .. هشوف ممكن اعمل ايه لكن الغريب هو كم الزعل من الخبر ان عمر كمال يمثل .. على فكرة احمد عدوية و حسن الاسمر و حكيم مثلوا وشعبان عبد الرحيم الله يرحمه مثل مع استاذ داوود عبد السيد و مكانش فيه مشكلة يعني .. اما الناس اللي بتقوللي ان انا منفذتش وعدي وقابلت الناس في ال casting .. احنا جالنا اكتر من ٧ الاف شخص عايز يمثل .. سامع الرقم .. ٧ الاف وانا مش مسؤول ان فيه ناس اتصلت و مكتب ال casting مردش عليهم .. ده غير ان معايا اكتر من خمس ممثلين خريجين معهد فنون مسرحية و ووجوه جديدة مش خريجين المعهد و بيمثلوا لاول مرة .. انا طول عمري قد كلمتي و اللي يعرفني يعرف كدة كويس و مش مطلوب مني اقدم كشف باللي اختارتهم من ال casting عشان سيادتك متتهمنيش اني بعمل show".
ورد عمر كمال على حديث أشرف زكي وقال أنه عضو نقابي ولا توجد مشاكل معه ومع النقابة وأنه تم حل كافة المشاكل السابقة مع النقابة وأنه يحترم رأي النقابات في كافة الأمور.
