تصريحات مثيرة للجدل، وأحداث كشف عنها للمرة الأولى أحمد فلوكس ضمن حلقة "واحد من الناس" مع عمرو الليثي، عبر قناة الحياة، حيث تصدر الترند، وتفاعل مع الحلقة المتابعون على السوشيال ميديا.
كشف أحمد فلوكس أن زوجته السابقة التي إرتبط بها بعد هنا شيحة، قامت بعمل سحر له، "عملتلي السحر علشان ماشوفش اللي هي بتعمله، هي طبعها كده وحياتها كلها كده، لكن لما قربت من ربنا خلصت من السحر"، وأكد أن السحر أثر في كل حياته الشخصية والفنية، "وحسيت نفسي إني عجوز حتى شعر دقني بقى أبيض ولما بقيت أقرا قرآن رجع يسود شعر دقني تاني، لا كنت عارف أمثل ولا أمارس الرياضة القتالية ولا أعمل حاجة، حتى إني إبتعدت عن كل المقربين مني".
وعن عودته لزوجته رابية، بعد 12 عاماً من الإنفصال، قال أحمد فلوكس "كان سبب الإنفصال قلة الخبرة، والسبب أني كنت عايش لوحدي وسني صغير، ورجعتلها لأن مالقتش حد حبني بعد أمي غير الست دي"، وتابع "دخلت علاقة بعد هنا غيرتني، وعرفتني قيمة الناس اللي حواليا، وده كمان من الأسباب اللي خلتنا نرجع لبعض، وقولتلها أنا عايز أكمل حياتي معاكي".
وفي إتصال مباشر مع زوجته رابية، قالت أنهم كانوا على تواصل دائم خلال فترة إنفصالهما وذلك من أجل إبنهما، وكشفت عن أنها ألبسته يوم زفافه، "وكانت الكرافات إتقطعت فخيطها، وكنت متابعة كل التفاصيل،
وعن العداوة مع محمد رمضان، قال فلوكس "ما عنديش عداوة معاه، واللي بيني وبينه إنهم قالولي مرة إنت كنت أنجم منه فـ إتنجمت عليه، طب ما أنا لو أنجم منه هتنجم عليه ليه، بعدين مش طبعي أصلاً"، وتابع "لما إلتقى بأبويا في عزا محمود ياسين باس راسه ودي أنا شيلتهالو"، وعن إمكانية العمل معه في مسلسل أو فيلم، قال فلوكس "ما أعتقدش، مش عشان حاجة في محمد بس لو ما كنتش أمثل في مكانتي مش عايز، أنا تعبت جداً علشان أعمل لنفسي إسم"، وعند سؤال فلوكس إن كان يرى أن رمضان نمبر وان، قال "ما فيش حاجة إسمها كده، لكن محمد مر بحاجات كتير علشان كده من جواه عايز يقول أنا رقم واحد، لكن مافيش حاجة إسمها رقم واحد، في أعمال حلوة وأعمال وحشة".
