حل أمير كرارة ضيف على أولى حلقات برنامج "حبر سري" مع أسما إبراهيم، الذي يعرض عبر قناة "القاهرة والناس" المصرية، وتحدث أمير خلال الحلقة عن والده الراحل، كما حكى عن وجهة نظرة بموضوع الهجوم الذي يتعرض له الفنانين على مواقع التواصل.
كان لافتاً بكاء أمير كرارة الذي لم يستطع أن يكتم دموعه بعد عرض صورة والده الراحل وعلق عليها قائلا: "ده الشخص الوحيد اللي مش بعرف أمسك نفسي لما بشوفه لأنه أغلى حاجة في حياتي ربنا يرحمه أنا في العادي بحس إني جامد ومش أي حاجة تخليني أقع وده كان روحي ولما بشوف صورة أمي ببتسم وبدعيلها بالرحمة لأنه في الأواخر كان تعبان ولما مشي فرق معايا جدا".
وأيضا عبر أمير كرارة عن حزنه الشديد واستيائه من بعض المتابعين الذين يهاجمون الفنانين وقال :"بتشتمونا ليه ؟! بزعل أوي على كم الناس اللي بتشتم الممثلين أنتو ليه بتشتمونا احنا بنشتغل عشانكم وبكون مستني منكم مبروك، لو مش بتحبني متتفرجش عليا، وده اللي بيضايقني في السوشيال ميديا، واللي بيشتموني عليها بيجروا عليا يتصوروا معايا في الشارع، وكان في فنانة طالعة بتشتم نجم وده عيب وأنا لما بتسأل عن حد مش بتكلم عليه وحش، متشتمش الست الممثلة المحترمة وابنها بيقعد على السوشيال ميديا بيشوفك بتشتم أمه، خلي في احترام بينا، وحسسني أنك مقدرني عشان أحترمك، وحد كان منزل خبر كدب عني وحد شتم فدخلت بعتله راح ماسح الكومنت، والشتيمة بقيت سهلة، وأنا بحب الناس وبحب الشارع".
وكشف أيضاً أمير كرارة خلال استضافته في برنامج حبر سري عن رأيه المسلسلات التركية وأبدى إعجابه الشديد بها وقال :"المسلسلات التركي ناجحة وأنا شايف أننا أحسن بكتير، هي حلوة بس فيها 100 حلقة، والمسلسلات عندنا سريعة، والدراما عندنا هتبقى عالمية لما المسلسلات تتدبلج".
وعبر أيضا أمير كرارة عن رأيه في أجور الفنانين ونفى شائعة أن أجره يتعدى ال 50 مليون جنيه وقال:" أنا معرفش الأجور ومين بياخد إيه، والسينما دلوقتي اختلفت وكبرت ومنى زكي عاملة فيلم وعاملة إيرادات وأعتقد واخدة فلوس كويسة"، وأضاف أيضا أنه يوجد صفحات تنشر أجور وهمية للفنانين وقال:"في صفحات بتنزل تعرف على أجور النجوم وبخش أشوف أنا بأخذ كام وبيبقى كلام مش حقيقي والناس بتحس أن في حاجة مش صح والناس لما بتصدق".
أين يعرض برنامج حبر سري ؟
برنامج حبر سري تقدمه أسما إبراهيم عبر قناة القاهرة والناس، و يتم عرض برنامج حبر سري يومي الخميس والجمعة تمام الساعة الـ10 مساء بتوقيت مصر .
