"ما فينا نلغي وجود الرجل لما يكون داعم"، بهذه الكلمات توجهت ماغي بوغصن إلى زوجها منتج مسلسل "ع أمل" جمال سنان، في المساحة أو الـ Space التي قامت بها عبر حسابها الرسمي على منصة إكس، تحت عنوان "ع أمل X قانون لتجريم العنف ضد المرأة"، حيث شهدت نقاش عن رسالة العمل الأساسية مع كاتبة المسلسل نادين جابر، النائبة في البرلمان اللبناني بولا يعقوبيان، رئيسة جمعية كفى زويا روحانا، والإعلامي علاء مرعب، الذي أدار الجلسة.
شاهد تقرير سابق في ET بالعربي: ما علاقة ماغي بوغصن بالنجوم الرجال في مسلسل "ع أمل"
ماغي تابعت خلال حديثها، "متل ما نحنا مناضلات كرمال حقوق المرأة في بحياتنا أمثلة متل الأب الصالح، الزوج الصالح، الأخ، الإبن، الرجل اللي ما منقدر نعيش أو ناخد نفس من دونن، حتى لو بدي ناضل كل حياتي مع المرأة".
علاء مرعب أكد، "اجتمعنا اليوم بعد نجاح مسلسل "ع أمل"، اللي تزامن مع الخطوة الكبيرة من النائبة بولا يعقوبيان ومجموعة من النواب، وجمعية كفى، تقدموا باقتراح قانون للبرلمان النيابي في لبنان ليواجهوا العنف ضد المرأة".
كاتبة العمل نادين جابر، شكرت الجميع، وقالت "حبينا نعلي الصوت كفنانين لأن على أرض الواقع ما قادرين نعمل شي، وتزامناً مع كتابتنا للعمل كانت بولا عم تشتغل على القانون فكانت القلوب عند بعضها، وع أمل ما يكون مجرد مسلسل ويخلص نحنا حملنا القضية".
بولا يعقوبيان، أشارت إلى أن هناك رجال "ناضلوا من أجل المرأة وحقوقها"، وقالت "جمعية كفى بهذا المجال قبل ما اخلق وزويا كمان والنضال النسوي بلبنان عمرو عشرات السنين، والموضوع صار بكل بيت لما الدراما تدخل عالدق بأداء رائع للنجوم والسيناريو وكل شي صار كل واحد حاسس حاله معني".
زويا من جمعية "كفى"، قالت "مش رح ضيف على كلام بولا عن المسلسل وكل شي بس ايه المسلسل جسد كتير وقائع عم تصير وعم نشوفها ونسمع عنها من نساء عم تلجأ إلنا، صرلنا 5 سنين عم نشتغل على القانون مع جمعيات بلبنان والوطن العربي واشتغلنا مع النواب التغييرين، والمسلسل جسد وقائع كتيرة، وعم نطالب بمحاكم خاصة لمعالجة هالمواضيع لتكون سريعة".
ماغي بوغصن، ونادين جابر أكدوا أنهم يتلقون رسائل كثيرة من نساء وبنات يقولون لهم "أنا بيي متل سيف، أنا خيي متل سيف، أنا جوزي متل سيف، ما يعني أننا جسدنا واقع مع أن الدراما تلجأ في بعض الأحيان للتضخيم كيف تصدم المشاهد بالحالة".
ET بالعربي تواجد في المساحة على منصة إكس، وطرح سؤال عن إن ما كان الفن اليوم ليس رسالة فقط إنما تحقيق إنجازات على أرض الواقع، كما حصل في أعمال سابقة في مصر كـ "تحت الوصاية لـ منى زكي، وفاتن أمل حربي لـ نيللي كريم، فأجابت ماغي "قدرنا وصلنا الصوت والناس صارت مجيشة للموضوع، بيخلص المسلسل منكون عملنا اللي علينا بالدراما، بس منكفي تحت إدارة كفى بولا، وتحت أي خطة عمل جبارة بقوموا فيها نحنا معن".
من ناحيتها قالت بولا يعقوبيان، "كل قضية ما بتتحول لقضية رأي عام ما بتاخد حقها، واليوم ماغي ونادين حولها لقضية رأي عام من خلال الدراما، والغنية اللي غنتها إليسا كمان واللي رح يضلوا ينعادوا".
نادين جابر، قالت "مش بس هلق كمان بمصر في فيلم انعمل من قبل لـ فاتن حمامة إسمه أريد حلاً، وقدر يغير قوانين خاصة بالطلاق".
