في الحلقة الـ22 من برنامج "رامز إيلون مصر" وقع حسام عبد المجيد ضحية المقلب… والذي استقبله رامز بمقدمته المعتادة فقال: "النهاردة برعم من براعم ميت عقبة، لاعب مظلوم حقه مهضوم، مش باين وسط النجوم، مع إنه في الماتشات عامل كل اللي عليه، بينفذ تعليمات المدربين من غير ما يسأل ليه، يسؤفني أقولك إن الرياضة اليومين دول مبقتش أخلاق بقت شو وتحفيل وخناق، قضايا وسماسرة واحتواء، واسمع مني المفيد، اللاعب دلوقتي مش بمهارته، اللاعب دلوقتي بفضايحه ومشاكله، ياض اعملك خناقة في مول أطلع لايف وخبط في دول ودول، بس خلي بالك لو لبست في حيطة، تبقى أنت المسئول، أنا مجرد ناصح بيقول، ولا أنا النهاردة جايبك عشان أسمكرك وأشفرّك وهصورك وإحنا بنلعب جون مشترك، معانا ومعاكم اللاعب ذو الطويل الفارع المدافع العنيد حسام عبد المجيد".
ووجه رامز أثناء المقلب مجموعة من الأسئلة لحسام عبد المجيد، حيث سأله عن العروض، ليرد:"جالي عرض من المكسيك بس مروحتش"، ليتابع رامز"ده كوبري صح ماتروح الدنمارك زي أخوك إمام عاشور وتيجي علينا في الأهلي"، وكان الرد "مش كوبري والله".
كما سأل رامز "مين أكتر مهاجم بيتعبك لما بتعلب قدامه"، ليرد عليه "وسام أبو علي"، وعن سعر عقده، قال رامز "دلوقتي زيزو بيقول أنه بـ 100 مليون، أنت بقا بكام"، ليرد عليه حسام :"أنا هاخد 20 أو15 مليون في الموسم.
في لحظة غير متوقعة من الحلقة، حسم رامز جلال الجدل حول قيمة عقد حسام عبد المجيد مع نادي الزمالك، بعدما سأله بشكل مباشر: “أنت فعلاً بتأخذ أقل عقد في نادي الزمالك؟”، ليُجيبه حسام: “آه، بأخذ مليون ونصف في الموسم.”
رامز تابع أسئلته السريعة، وسأله: “لو انت المسؤول عن الصفقات في الزمالك، هتجيب إمام عاشور ولا أفشة؟ ومين أكتر لاعب في الزمالك هيفرح فيك بعد المقلب ده؟”
ليأتي الرد من حسام بدون تردد: “هاخد أفشة أكيد يعني، وأكتر حد هيفرح فيا حسام أشرف وفتوح".
تفاعل الجمهور مع حلقة حسام عبد المجيد في رامز إيلون مصر
في ردود الفعل، علّق متابع:"حسام عبد المجيد غلبان أوي"، وقال آخر:"حسام عبد المجيد راجل ومتربي 100 مرة والله يارب يفضل معانا يا أحسن مدافع في مصر".
قصة برنامج رامز إيلون مصر
في هذا الموسم، يقنع رامز جلال ضيوفه بأنهم جزء من لجنة تحكيم لبرنامج مقالب، ليجدوا أنفسهم في مغامرة غير متوقعة بمشاركة النجمة نوال الزغبي واللاعب محمد نور. ومن بين ضحايا هذا الموسم: أشرف بن شرقي، حسام حبيب، وغيرهم من النجوم.
موعد عرض برنامج رامز إيلون مصر
يعرض البرنامج يوميًا بعد الإفطار مباشرة على شاشة MBC مصر ومنصة شاهد.
