استضاف رامز جلال في الحلقة 24 من برنامج "رامز إيلون مصر" ناصر منسي مهاجم نادي الزمالك واستقبله رامز جلال بمقدمته الساخرة المعتادة وقال: "أنا شايل ومعبي في قلبي كتير أنا ساكت ومخبي لكن هقول بصوت جهير، أرجوكم متهينوش الأساطير، لا أحنا داقين عصافير ولا لابسين طراطير الأسطورة ده لقب خطير، علشان يتقال عليك لازم يبقالك تاريخ أو مريت بصراع مرير جبت أجوال زي بيبو أو مو صلاح أو عملت ألبومات أد محمد منير، النهاردة معانا أسطورة ملهاش أى تبرير، تاريخه كله حتة جول غلطة من الشناوي، معانا ومعاكم الأسطورة الزائفة اللاعب رقم تسعة اللي دماغه لاسعة فرود أكبر قلعة في ميت عقبة والجيزة ناصر منسي".
ومع بدأ المقلب، أخذ رامز جلال يوجه له مجموعة من الأسئلة من بينها عن "زيزو عاوز 100 مليون علشان يجدد عقده فناصر منسي يجدد بكام؟" فرد ناصر قائلاً: "ناصر ياخد 50 مليون وزيزو أحسن لاعب في مصر"، أما عن أفضل مهاجم في مصر فقال: "أنا أفضل مهاجم في مصر وهداف الدوري".
وتفاعل عدد كبير من المتابعين عبر "X" مع حلقة ناصر منسي، فكتب أحد المتابعين: "الماتش دا كان اسعد ماتش ليه في حياتي فعلا . و ناصر منسي اتحول من لاعب رايح للمجهول للاعب تاريخي اكيد بالهدف دا"، وكتب آخر: "ناصر منسي الاسطورة الوحيد اللي في الزمالك اللي مش بتضايق من تصريحاته هو بيتكلم من قلبه وفاكر ان دي حقيقي يا عيني مش بيحور وبيتفلسف زي الباقيين".
قصة برنامج رامز إيلون مصر
في هذا الموسم، يقنع رامز جلال ضيوفه بأنهم جزء من لجنة تحكيم لبرنامج مقالب، ليجدوا أنفسهم في مغامرة غير متوقعة بمشاركة النجمة نوال الزغبي واللاعب محمد نور. ومن بين ضحايا هذا الموسم: أشرف بن شرقي، حسام حبيب، وغيرهم من النجوم.
موعد عرض برنامج رامز إيلون مصر
يعرض البرنامج يوميًا بعد الإفطار مباشرة على شاشة MBC مصر ومنصة شاهد.
