جاءت الحلقة المنتظرة من رامز إيلون مصر حيث وقع حسام حبيب ضحية لمقلب رامز جلال في الحلقة السادسة. وكعادته، قدمه رامز بأسلوبه الساخر، قائلًا:
“أفتكر إن فريسته سهلة وهيعرف يقلبها من سكات، اتجوزوا وعاشوا في تبات ونبات، وفجأة بدأت الخناقات والفضايح بقت للركب، والموضوع وصل لمد الإيد وبقى يسمع صريخهم القريب والبعيد، يقول لها إنت مجنونة وعنيدة، تقول له إنت سرقتني وخلتني على الحديدة! معانا المطرب الحساس، اللي مزعل منه كل الناس، الأمور الحبيب، زعيم شبكة التقليب الدولية، روميو الجيل! القميص ماله مقمط كده؟ سيب الإستايل ده لنجم الجيل! إزاي يطلع منك كل الشر ده مع شيرين؟ خدت منك علقة ميديهالهاش أحمد العوضي!”
الحلقة أثارت تفاعلًا واسعًا على السوشيال ميديا، حيث انقسمت الآراء كالعادة.
واجه حسام حبيب لجنة التحكيم، التي كانت جزءًا من الخدعة لإقناعه بالمقلب، ليتفاجأ بتفاعل نوال الزغبي مع رامز جلال، الذي سألها: “مش عاوزة غنوة من حسام؟” لترد قائلة: “مش عاوزة حاجة من حسام، ده زعل صاحبتي اللي بموت فيها، أنا مع صاحبتي ضد حسام"!
خلال المقلب، وجه رامز جلال عدة أسئلة لحسام حبيب، من بينها: “هل حسام حبيب دمر شيرين ولا واخدها مدمرة جاهزة؟” ليرد حسام قائلًا: “أنا اللي دمرتها.” ولم يتوقف رامز عند هذا الحد، بل سأله مباشرة: “لسه بتحب شيرين عبد الوهاب؟” فجاء الرد من حسام: “أنا آسف يا شيرين، أنا لسه بحبك، وانتي على راسي من فوق.” وفي نهاية الحلقة، وجه رامز رسالة مباشرة لشيرين قائلًا: “زغرطي يا شيرين!”
وبعد المقلب قال رامز لحسام: "يا حسام انا اللي عملته ده في مصلحتك علشان شيرين لما تشوف الحلقة هتتنازل عن كل القضايا وهترجعوا لبعض تاني".
تفاعل عدد من المتابعين مع الحلقة فكتب أحدهم على "X" قائلا: "رامز عامل برنامج بينتقم ل إكسات الممثلات،، انتقم لهنا الزاهر وجاب احمد فهمي وانتقم لياسمين عبد العزيز وجاب احمد العوضي دلوقتي بياخد حق شيرين عبد الوهاب من حسام حبيب"، وقال آخر: "رامز جلال ماسك حسام حبيب سلخ وسب … وهو ابن حلال ويستاهل بصراحة"، كما علق أحد المتابعين أيضا كاتبا: "رامز بيقول حسام حبيب بتضحك على ايه يا بني يابني لو تعرف احنا عاملين فيك ايه هتعيط:.
قصة برنامج رامز إيلون مصر:
يوهم رامز جلال خلال برنامج "رامز إيلون مصر" أن الضحية تشارك كعضو لجنة تحكيم في برنامج مقالب، وبعدها يقع في المقلب بمساعدة نوال الزغبي واللاعب محمد نور، ويستضيف رامز خلال البرنامج عدد كبير من الفنانين واللاعبين ومن بينهم أشرف بن شرقي، حسام حبيب، وغيرهم من الفنانين.
موعد عرض البرنامج:
يعرض رامز إيلون مصر يومياً بعد الإفطار مباشرة على شاشة "MBC مصر" ومنصة "شاهد".
