وقعت رزان جمال ضحية الحلقة 21 من برنامج رامز ليفل الوحش، و في تقديم رامز لها قال عنها "انهارده معانا عروسة البحر، اللي عيونها بتدلدق سحر، دلالها ولا في الخيال، حلاوتها من نوع نادر، ماتلاقوش عند البقال، وصدق اللي قال، لبنان بلد الجُمال، لو اتكلمنا عن موهبتها دي مش محتاجة جدال، في التمثيل صنفوها واحدة من التقال، يا شيخة حرام عليكي مش لاقي فيكي كلام تاني يتقال، انا جبتك انهاردة عشان اعبيكي في شوال، فـ اظبطي معايا بس اديني رقم الجوال، معانا و معاكم المارون جلاسيه، المربى بالملفيه، رزان جمال".
بدأ البرنامج و كأنه برنامج ترفيهي بـ إسم "الرحلة" تقدمه ألين واطفة، و شارك محمود السيسي المقلب مع رزان بكل مراحله المتتالية.
و في بداية الحلقة صرخت رزان من آلام طلقات رامز و من خوفها من الدجاجات و من المرتفعات، بعدها سألها رامز عدة أسئلة و هم: "ليه ما اتجوزتيش لغاية دلوقتي المشكلة فيكي ولا في العرسان" فقالت "في العرسان.. أنا عايزة اتجوز" فقال لها "توافقي تتجوزيني" قالت "انا مش عارفة انت مين بس موافقة"، و كان ثاني سؤال "اشتغلتي مع كريم عبد العزيز و محمد رمضان تشتغلي مع مين منهم تاني" فقالت "الاتنين بس رمضان عشان بنشتغل دلوقتي على فيلم أسد"، و كان آخر سؤال لها "عملتي دويتو مع عسيلي نفسك تغني مع مين تاني" فـ ردت "مع شيرين".
و بدا على رزان الاستمتاع أثناء لعبها في مرحلة الخلاط، لكنها كانت خائفة بعد ذلك في مرحلة الغابة خاصة من الغوريلا، و في مرحلة ليفل الوحش ظلت تصرخ قائلة "طلعوني مش قادرة" حتى ظهر رامز. و في نهاية الحلقة سألها رامز "ايه مواصفات فتى أحلامك؟" فقالت "يكون كويس و محترم" و رد رامز "و بالنسبة للبنك؟" فقالت "أنا البنك".
و تفاعل المتابعون مع الحلقة أثناء عرضها فعلقوا عبر منصة X "حوده التنين كسر دراع رزان جمال"، و كتب أحد المعلقين "رزان جمال مفهوم الرقه"، و جاء تعليق آخر "خفه دم ومافيش ولا شتيمه وبتضحك حاجه قمر".
قصة برنامج رامز ليفل الوحش
تدور فكرة المقلب في إطار 6 غرف مختلفة، تحتوي كل غرفة على مقلب معين يدخل فيه الضيف بصحبة أحد البلوجرز المتفق معهم على تنفيذ المقلب، باستثناء الغرفة الأخيرة التي يدخلها الضحية بمفرده، ليظهر له رامز جلال في نهاية المقلب.
ضيوف ومواعيد عرض برنامج رامز ليفل الوحش
يُعرض برنامج رامز جلال يوميًا بعد أذان المغرب مباشرة عبر قناة MBC مصر. ووقع ضحية المقلب هذا العام كل من:
غادة عبد الرازق، أحمد السقا، كارولين عزمي، آية سماحة، لقاء الخميسي، هنا الزاهد، رحمة محسن، محمود بن تايج، وأحمد مصطفى زيزو، وغيرهم من الضيوف.
