كشفت سمية الخشاب، خلال لقائها مع ET بالعربي، أن إسم شخصيتها في مسلسل "موسى" هو حلاوتهم، ولكن محمد رمضان يناديها "ملبن"، وقالت ممازحة أن "تطورت لإن رياض الخولي كان بيناديني في مسلسل (ريا وسكينة) مهلبية في الزبيب، أما دلوقتي في مسلسل (موسى) بقيت ملبن".
وعن شخصيتها في مسلسل "موسى"، قالت سمية الخشاب لـ ET بالعربي، "مفيش حد منعني أنزل حاجة عن شخصيتي في المسلسل بس أنت كنت عايزة حلاوتهم تبقى مفاجأة، علشان مش عايزة أحرق الشخصية وعايزة أشوق الجمهور، بعد ما محمد رمضان نزل الصورة وكتب ملبن، وصلت للترند علشان الجمهور كان متشوق"، وأضافت "حلاوتهم يعني الست الجدعة الأصيلة، والمسلسل عبارة عن ملحمة".
بالنسبة لمشاركتها في برنامج "The Masked Singer إنت مين" بشخصية شهرزاد، وهل كانت تتمنى الفوز باللقب عوضاً عن إيهاب توفيق، قالت سمية "كنت أنا ولابسة الماسك إن أنت فعلاً شهرزاد وطلعت طاقات ماكنتش مكتشفة من قبل، وعايزة أقولك إن مكنتش بتمرن على الرقص كنت بتفاعل مع الأغنية على الهوا، وماكانش همي إن أنا أفوز علشان مكنتش بشوفها مسابقة كنت بشوفها تجربة جميلة، وانبسطت أوي بنجاح إيهاب توفيق".
سمية الخشاب نفت خلال لقائها مع ET بالعربي، أن تواجدها في السعودية كان للمشاركة في برنامج مقالب رامز جلال، حيث قالت "كان عندي تصوير برنامج وعملت هناك جلسة تصوير من أروع ما يكون، أنا معملتش مع رامز مقلب".
