فقرة خصصها عمرو أديب في برنامجه الحكاية ودع فيها الطيار الراحل أشرف أبو اليسر، ذاكرًا أنه كان شخصاً مهذباً للغاية ويتسم باحترام الجميع، ومعرفته به ودية وجيدة.
كما استعرض أديب فيديوهات قديمة للراحل يحكي بها عن قضاياه مع محمد رمضان و أزمته الأخيرة، موجهًا رسالة قاسية لمحمد رمضان على أن وفاة الكابتن بمثابة عبرة لمحمد رمضان وستطارده العمر كله!
وفي تفاصيل الرسالة، قال أديب: "يا محمد أنت لازم ضميرك يكون مستريح، أنت مش لازم تكون مضايق خالص، هتضايق ليه يا راجل الناس مش عارف عاوزة منك ايه انت كنت بتاخد بالك من الراجل على طول الراجل لما اترفد من شغله كنت بتابعه وبتاخد بالك منه وبتبطب عليه، ولما اتنقل عليه ولما اتنقل من المستشفى كنت بتسأل عليه، لما عرفت أنه أتقهر واتبهدل كنت بتسأل عليه، ماهو مش غريبة عليك يا محمد زي ما سألت على الشاب اللي اتفرق فيه القنبلة وقت الإعلان، ما أنت راجل وهتفضل طول عمرك راجل وبتاخد بالك من الناس، أنا مش عاوزك ضميرك يأنبك أنت دايما بتعمل الصح أنا مش عاوزك تنزعج أبدا، أنت النهاردة في اليوم المفترج ده خدت دعوات ربنا يجعلها من نصيبك".
وأضاف عمرو أديب : "أنت هتشوف بركة الدعاء في الأيام المفترجة دي لأنك راجل جدع ولأنك عمرك ما عملت حاجة وحشة، وأنت أكيد دلوقت أكيد يا محمد بتبص حواليك وبتسأل النعيم اللي أنا فيه ده من ايه والنجاح العظيم ده، وأنت شايف يا محمد رمضان السنة دي نجاحك عامل ازاي، نجاح ضخم يابني اللهم صلي على النبي على النجاح اللي جرالك، أكيد أنت قاعد بتفكر هو أنا بيجرالي كده ليه علشان الخير يابني الخير اللي انت بتعمله ويوميها قولتلك وأنت بترمي الفلوس ربك مش هيسيبك وربك هيجازيك ومصر النهاردة كانت رافعة ايدها للسما وبتقول يارب محمد رمضان وربنا برضه هداك لحاجة عظيمة قررت أنك تنزل بوست... أنت طبعا راجل محترم وعاوز تشارك جنب الراجل اللي انت واقف جنبه..".
وتابع أديب عن الصورة التي شاركها في النعي ومن بعدها استبدلها بآية قرآنية قائلًا "فقمت منزل صورة للطيار مع عمرو دياب، وبعدين لاقيت الناس فهمتك غلط مش أنت طبعا يا محمد اللي نزلت الصورة دي ناس تانية هي اللي بتشتغل معاك ناس وحشة فمت ساحب الصورة ومنزل صورة سوداء والناس برضه مش فاهمينك.... بيشتموك ليه يا محمد حاجة غريبة بس عاوز أقولك أن ربنا مش هيسيبك لأن اللي انت عملته الخير اللي انت عملته اللي انت عملته مع الطيار الخير اللي انت عملته وانت بتنقذ الولد في الإعلان الخير اللي انت عملته ولما استفذيت الشعب المصري كله وانت بتستفز الشعي المصري كله وانت بترمي الدورالات".
سبق وأعلن عمرو أديب أن محاميه قدم للنيابة العامة 4 بلاغات ضد محمد رمضان مشيرًا أنه ان تقاضى أي تعويضات سيتبرع بها لمستشفى أبو الريش للأطفال: "هناك ضرورة أن آخذ حقي بالقانون، وأي شيء يأمر به القانون والقضاء سأمتثل له. أنا لن آخذ حقي بقوة الذراع ولا بالاستهزاء، ولكن بالقانون، نحن في دولة قانون".
